തൃശൂര്‍ ആറാട്ടുപുഴയില്‍ ദമ്പതികളെ മരിച്ച നിലയില്‍ കണ്ടെത്തി. വല്ലച്ചിറ പഞ്ചായത്തില്‍ എട്ടാം വാര്‍ഡില്‍ ആറാട്ടുപുഴ പട്ടംപളത്ത് ചേരിപറമ്പില്‍ വീട്ടില്‍ ശിവദാസ് (53) ഭാര്യ സുധ (48) എന്നിവരാണ് മരിച്ചത്. പുതുവത്സര ദിനത്തില്‍ രാവിലെയാണ് ഇരുവരേയും മരിച്ച നിലയില്‍ നാട്ടുകാര്‍ കണ്ടത്.
ശിവദാസനെ വീടിന് മുന്‍ വശത്തായി തൂങ്ങിമരിച്ച നിലയിലും, ഭാര്യ സുധയെ വീടിനകത്ത് കിടപ്പ് മുറിയുമാണ് മരിച്ച നിലയില്‍ കണ്ടെത്തിയത്. ശിവദാസനെ തൂങ്ങിമരിച്ചതായി കണ്ടതോടെയാണ് അയല്‍വാസികള്‍ വീടിനകത്ത് പരിശോധിച്ചത്. ഇതോടെയാണ് സുധയുടെ മൃതദേഹം കണ്ടത്.
വിവരം അറിഞ്ഞ് ഇരിങ്ങാലക്കുട ഡിവൈഎസ്പി ബാബു കെ തോമസ്, ചേര്‍പ്പ് ഇന്‍സ്‌പെക്ടര്‍ ഷിബു എന്നിവര്‍ സ്ഥലത്തെത്തി. ഇവരുടെ നേതൃത്വത്തിലുള്ള സംഘം പരിശോധന നടത്തി മേല്‍ നടപടികള്‍ സ്വീകരിച്ചട്ടുണ്ട്. പോസ്റ്റമോര്‍ട്ടം നടത്തിയ ശേഷം മാത്രമേ മരണ കാരണം വ്യക്തമാവുകയുള്ളു എന്ന് പൊലീസ് പറഞ്ഞു. തെങ്ങ് കയറ്റ തൊഴിലാളിയാണ് മരിച്ച ശിവദാസന്‍ .
