സംഗീത ക്ലാസിന് പോയ മക്കളെ കൊണ്ടുവരാന്‍ പോകവേ കാനഡയില്‍ വാഹനാപകടത്തില്‍ മലയാളി നഴ്‌സ് മരിച്ചു. പാലാ കരൂര്‍ മാര്യാപ്പുറം ഡോ അനില്‍ ചാക്കോയുടെ ഭാര്യ ശില്‍പ ബാബു (44) ആണ് മരിച്ചത്. കാനഡയില്‍ സ്റ്റാഫ് നഴ്‌സായിരുന്നു.
കാനഡയിലെ സൗത്ത് സെറിയില്‍ കഴിഞ്ഞ ദിവസമുണ്ടായ വാഹനാപകടത്തില്‍ ഗുരുതരമായിപരിക്കേറ്റ് ചികിത്സയിലായിരുന്നു ശില്‍പ. സംസ്‌കാരം പിന്നീട്‌
സംഗീതം പഠിക്കാന്‍ പോയ മക്കളെ തിരികെ കൊണ്ടുവരാന്‍ പോകവേ കാര്‍ ഇടിക്കുകയായിരുന്നു.
ഭര്‍ത്താവ് അനില്‍ ചാക്കോ കാനഡയില്‍ ഡോക്ടറാണ്. കോട്ടയം ചാഴികാട്ട് ബാബുവിന്റെ മകളാണ്. പാലാ ബ്ലൂമൂണ്‍ ഹോട്ടലുടമ ചാക്കോച്ചന്റെ മകനാണ് ഡോ അനില്‍.
മക്കള്‍ നോഹ ,നീവ്.
