മൂന്നാഴ്ച മുമ്പ് നാട്ടില് നിന്നെത്തിയ മലയാളി നഴ്സ് റോമില് മരണമടഞ്ഞു. കോട്ടയം സ്വദേശിനിയായ സിമി ജിനോ(41) ആണ് വിട പറഞ്ഞത് . ഹൃദയാഘാതമാണ് മരണകാരണമെന്ന് ഡോക്ടര്മാര് പറഞ്ഞതായി ബന്ധുക്കള് അറിയിച്ചു.
റോമിലെ വിയലെ ടിബിയയിലാണ് ജോലി ചെയ്തിരുന്നത്. രണ്ടുവര്ഷത്തോളമായി നാട്ടിലുണ്ടായിരുന്ന സിമി അടുത്തിടെയാണ് തിരിച്ചു പോയത്.
ശേഖര് കോളേജ് ഓഫ് നഴ്സിംഗിലെ 2001 ബാച്ച് വിദ്യാര്ത്ഥിയായിരുന്നു. ജിനോയാണ് ഭര്ത്താവ്. കുറിച്ചി സചിവോത്തമപുരം മണ്ണാത്തുമാക്കില് പരേതരായ ജോണ് - മറിയാമ്മ ദമ്പതികളുടെ മകളാണ്.
