യുഎഇയില് റോഡ് മുറിച്ച് കടക്കുന്നതിനിടെ മലയാളി യുവതി വാഹനം ഇടിച്ച് മരിച്ചു. മാനന്തവാടി ചെറ്റപ്പാലം അരങ്ങില് താഴെ ഹഫ്സലിന്റെ ഭാര്യ റംഷീനയാണ് (32) മരിച്ചത്. ദുബൈ സത്വ അല് ബിലയില് റോഡ് മുറിച്ചുകടക്കുന്നതിനിടെയാണ് അപകടം.
റോഡ് മുറിച്ചു കടക്കുന്നതിനിടെ ലാന്റ് ക്രൂയിസര് വാഹനം റംഷീനയെ ഇടിക്കുകയായിരുന്നു. സിഗ്നല് മറികടന്നുവന്ന വാഹനമാണ് അപകടമുണ്ടാക്കിയതെന്ന് ബന്ധുക്കള് പറഞ്ഞു.
മകന് മുഹമ്മദ് യിസാന്. പിതാവ്: അബൂബക്കര്. മാതാവ്: റംല. മൃതദേഹം നാട്ടിലെത്തിച്ച് ഖബറടക്കുമെന്ന് ബന്ധുക്കള് അറിയിച്ചു.
