യൂറോപ്പില് വീണ്ടും ഭീകരാക്രമണം. ബ്രസല്സിലെ റെയില്വേ സ്റ്റേഷന് സമീപത്തുവച്ച് പൊലീസുകാരനെ യുവാവ് കുത്തി കൊലപ്പെടുത്തി. മറ്റൊരു പൊലീസ് ഉദ്യോഗസ്ഥന് പരിക്കേറ്റു. ആക്രമിക്കുമ്പോള് യുവാവ് ഉച്ചത്തില് അള്ളാഹൂ അക്ബര് എന്നു വിളിച്ചിരുന്നതായി ദൃക് സാക്ഷികള് പറഞ്ഞു. ഒരു പൊലീസ് ഉദ്യോഗസ്ഥന് മാരകമായി കുത്തേറ്റപ്പോള് മറ്റേയാള്ക്ക് അരയ്ക്കാണ് കുത്തേറ്റത്. സമീപമുണ്ടായിരുന്ന മറ്റൊരു പൊലീസ് ഉദ്യോഗസ്ഥന് അക്രമിയെ വെടിവച്ചു വീഴ്ത്തി.
പ്രോസ്ക്യൂട്ടറുടെ ഓഫീസ് കേസ് ഏറ്റെടുത്തു. വ്യാഴാഴ്ച രാവിലെ അക്രമി പൊലീസ് സ്റ്റേഷന് സന്ദര്ശിച്ചതായും ഉദ്യോഗസ്ഥരെ ആക്രമിക്കുമെന്ന് മുന്നറിയിപ്പ് നല്കിയതായും ചില മാധ്യമങ്ങള് റിപ്പോര്ട്ട് ചെയ്തു. പിന്നീട് മാനസികാരോഗ്യ കേന്ദ്രത്തില് ഇയാള് ചികിത്സ തേടാന് തയ്യാറാണെന്നറിയിച്ചതോടെ വിട്ടയച്ചു.
ഇന്നലെ അക്രമി അള്ളാഹു അക്ബര് എന്ന് ഉറക്കെ വിളിച്ചാണ് അക്രമം നടത്തിയതെന്ന് ബെല്ജിയന് മാധ്യമങ്ങള് പറയുന്നു. മരിച്ച പൊലീസ് ഉദ്യോഗസ്ഥന്റെ കുടുംബത്തോടും സുഹൃത്തുക്കളോടും ബെല്ജിയന് പ്രധാനമന്ത്രി അനുശോചനം രേഖപ്പെടുത്തി.
അക്രമം ഒരിക്കലും അനുവദിക്കില്ലെന്നും കര്ശനമായ നടപടി കൈക്കൊള്ളുമെന്നും ആഭ്യന്തര മന്ത്രി പറഞ്ഞു. ബ്രസല്സ് മേയറുമായും പോലീസ് മേധാവിയുമായും താന് ബന്ധപ്പെട്ടുകൊണ്ടിരിക്കുകയാണെന്ന് മന്ത്രി അറിയിച്ചു.
