പാലക്കാട്: മലയാളി യുവാവ് പോളണ്ടില് കൊല്ലപ്പെട്ടതായി കുടുംബത്തിനു വിവരം ലഭിച്ചു. പുതുശേരി സ്വദേശി ഇബ്രാഹിം ഷെരീഫ് (30) ആണ് കൊല്ലപ്പെട്ടത്. പോളണ്ടിലെ ഐഎന്ജി ബാങ്കില് ഐടി വിഭാഗം ജീവനക്കാരനായ ഇബ്രാഹിമിനെ കഴിഞ്ഞ 24 മുതല് ഫോണില് ലഭ്യമായിരുന്നില്ല. പോളണ്ട് പൗരനൊപ്പമായിരുന്നു ഇബ്രാഹിം താമസിച്ചിരുന്നത്.
കുടുംബം എംബസിയുമായി ബന്ധപ്പെട്ടപ്പോഴാണ് കൊലപാതക വിവരം അറിയുന്നത്. ഇബ്രാഹിം ഷെരീഫിന്റെ കൊലപാതക കേസില് പ്രതിയെന്ന് സംശയിക്കുന്ന ഒരാളെ അറസ്റ്റ് ചെയ്തിട്ടുണ്ടെന്ന് എംബസി അറിയിച്ചു. കൂടുതല് വിവരങ്ങള്ക്കായി പൊലീസിനെ നിരന്തരം ബന്ധപ്പെടുന്നതായും എംബസി അധികൃതര് വ്യക്തമാക്കി.
എന്താണ് കൊലയ്ക്കു കാരണമെന്നോ എങ്ങനെയാണ് കൊലപ്പെടുത്തിയതെന്നോ ഉള്ള വിവരം പുറത്തുവിട്ടിട്ടില്ല.
