അമ്മയുടെ മരണാനന്തര ചടങ്ങിന് ന്യൂയോര്‍ക്കില്‍ നിന്നെത്തിയ യുവാവിന് വാഹനാപകടത്തില്‍ ദാരുണാന്ത്യം. അര്‍ത്താറ്റ് പനയ്ക്കല്‍ പരേതനായ വില്‍സന്റെയും ബേബിയുടേയും മകന്‍ സജിത്ത് വില്‍സനാണ് (42) മരിച്ചത്. സജിത്ത് സഞ്ചരിച്ചിരുന്ന സ്‌കൂട്ടര്‍ വഴിയരികില്‍ നിര്‍ത്തിയിട്ട ലോറിയില്‍ ഇടിക്കുകയായിരുന്നു. ഇന്നലെ പുലര്‍ച്ചെ ഒരു മണിയോടെ കോട്ടപ്പടിയിലാണ് അപകടം.
ന്യൂയോര്‍ക്കിലെ ആശുപത്രിയില്‍ സോഷ്യല്‍വര്‍ക്കറാണ് സജിത്ത്. ഞായറാഴ്ചയാണ് അമ്മ ബേബി മരിച്ചത്. തുടര്‍ന്ന് സംസ്‌കാരത്തിും മരണാനന്തര ചടങ്ങുകള്‍ക്കുമായി ചൊവ്വാഴ്ച സജിത്ത് നാട്ടിലെത്തി. ഉറങ്ങാന്‍ ബുദ്ധിമുട്ട് തോന്നി എഴുന്നേറ്റ് രാത്രി ചായ കുടിക്കാന്‍ പോയപ്പോഴാണ് ദുരന്തം.
ഭാര്യ ഷൈന്‍. മക്കള്‍: എമ, എമിലി, എയ്ഞ്ചല്‍, ഏബല്‍
