മേലാറ്റൂര്: സൗദി അറേബ്യയില് ജോലി കഴിഞ്ഞ് മുറിയില് ഉറങ്ങാന്കിടന്ന മലയാളി നഴ്സ് മരിച്ചനിലയില്. എടപ്പറ്റ പാതിരിക്കോട് കല്ലംപടിയിലെ മാളിയേക്കല് ജോസ് വര്ഗീസിന്റെയും മേരിക്കുട്ടിയുടെയും മകള് റിന്റുമോള് (28) ആണ് മരിച്ചത്. സൗദി അറേബ്യയിലെ ഹഫര് അല്-ബാത്തിനിലെ മെറ്റേണിറ്റി ആന്ഡ് ചില്ഡ്രന് ആശുപത്രിയിലെ സ്റ്റാഫ് നഴ്സാണ്.
വിവാഹാലോചനയുമായി ബന്ധപ്പെട്ട് നാട്ടിലെത്തിയ റിന്റുമോള് കഴിഞ്ഞ മാസം 13ന് ആണ് മടങ്ങിപ്പോയത്. ജോലി കഴിഞ്ഞശേഷം മുറിയിലെത്തിയ റിന്റു ഉറങ്ങാന് കിടന്നതായിരുന്നു. രാവിലെ നോക്കിയപ്പോഴാണ് മരിച്ചനിലയില് കണ്ടതെന്ന് കൂടെയുള്ളവര് അറിയിച്ചതായി ബന്ധുക്കള് പറഞ്ഞു. മൃതദേഹം നാട്ടിലെത്തിക്കാനുള്ള ശ്രമം നടത്തിവരികയാണ്.
