സാനിയ മിര്സയുമായി പിരിഞ്ഞ ഷൊയ്ബ് മാലിക് രണ്ടാം വിവാഹം കഴിച്ചു, വധു പാക് നടി
പാകിസ്ഥാന് ക്രിക്കറ്റ് താരം ഷൊയ്ബ് മാലിക് രണ്ടാമതും വിവാഹം കഴിച്ചു. ഇന്ത്യന് ടെന്നീസ് താരം സാനിയ മിര്സയുമായി മാലിക് നേരത്തെ വിവാഹം കഴിച്ചിരുന്നു. ഇരുവരും തമ്മില് വേര്പിരിയുകയാണെന്ന അഭ്യൂഹങ്ങള്ക്കിടെയാണ് മാലിക് വീണ്ടും വിവാഹിതനായത്.
പാക് നടി സന ജാവേദിനെയാണ് താരം വിവാഹം ചെയ്തത്. മാലിക്കും സനയും ഡേറ്റിംഗിലാണെന്ന് നേരത്തേ തന്നെ റിപ്പോര്ട്ടുകളുണ്ടായിരുന്നു. വിവാഹത്തിന്റെ ചിത്രങ്ങള് മാലിക് തന്നെയാണ് സോഷ്യല് മീഡിയയില് പങ്കുവെച്ചത്.
2010ല് ഹൈദരാബാദിലായിരുന്നു മാലിക്ക്-സാനിയ വിവാഹം. 2018-ല് ഇരുവര്ക്കും ഒരു മകന് ജനിച്ചു. തുടര്ന്ന് 2022-ലാണ് ഇരുവരും തമ്മില് അസ്വാരസ്യങ്ങളുണ്ടെന്നും വിവാഹമോചനത്തിന്റെ വക്കിലാണെന്നുമുള്ള അഭ്യൂഹങ്ങള് പരന്നത്. എന്നാല്, ഇക്കാര്യം ഇരുവരും നിഷേധിച്ചിരുന്നു.
സന ജാവേദ് ഉര്ദു ടെലിവിഷനിലെ സംഭാവനകള്ക്ക് അംഗീകാരം ലഭിച്ച ഒരു പ്രശസ്ത പാകിസ്ഥാന് നടിയാണ്. 2012-ല് ‘ഷെഹര്-ഇ-സാത്ത്’ എന്ന ഷോയിലൂടെ അഭിനയ ജീവിതം ആരംഭിച്ച അവര് പിന്നീട് നിരവധി സീരിയലുകളില് പ്രത്യക്ഷപ്പെട്ടു. 'ഖാനി' എന്ന റൊമാന്റിക് നാടകത്തിലെ പ്രധാന കഥാപാത്രത്തെ അവതരിപ്പിച്ചുകൊണ്ട് സന പ്രശസ്തിയിലേക്ക് ഉയര്ന്നു, ഇത് അവര്ക്ക് ലക്സ് സ്റ്റൈല് അവാര്ഡ് നോമിനേഷന് നേടിക്കൊടുത്തു.
