തിരൂര് ജില്ലാ ആശുപത്രിയിലെ നിര്മാണം നടക്കുന്ന കെട്ടിടത്തില്നിന്ന് വീണ് ഗുരുതരമായി പരുക്കേറ്റ ഹെഡ് നഴ്സ് മരിച്ചു. തൃശ്ശൂര് ചാലക്കുടി ചെട്ടിക്കുളം സ്വദേശി തറയില് മിനി (48) യാണ് മരിച്ചത്. ഓങ്കോളജി കെട്ടിടത്തിനുള്ളിലെ സൗകര്യങ്ങള് പരിശോധിക്കാന് എത്തിയപ്പോഴായിരുന്നു അപകടം.
ഓങ്കോളജി കെട്ടിടത്തിനുള്ളിലെ സൗകര്യങ്ങള് പരിശോധിക്കാന് മിനി ഓങ്കോളജി കെട്ടിടത്തിലെത്തി. പരിശോധിക്കുന്നതിനിടയില് ഗ്രൗണ്ട് ഫ്ലോറില് നിന്ന് തറയിലെ അണ്ടര് ഗ്രൗണ്ടിലേക്ക് വീഴുകയായിരുന്നു. യന്ത്രങ്ങളും മറ്റും മുകളിലേക്ക് കയറ്റാന് നിര്മ്മിച്ച ഭൂഗര്ഭ അറയിലേക്കാണ് വീണത്.
കാല് തെന്നി പത്തടി താഴ്ചയിലേക്ക് വീഴുകയായിരുന്നു. പരുക്കേറ്റ ഇവര് കോട്ടക്കല് മിംസ് ആശുപത്രിയില് ചികിത്സയിലായിരുന്നു. ചൊവ്വാഴ്ച ഉച്ചയ്ക്ക് 12നാണ് സംഭവം.
