കരിങ്കൊടിയുമായി എസ്എഫ്ഐ; റോഡില് കസേരയിട്ടിരുന്ന് പ്രതിഷേധിച്ച് ഗവര്ണര്
കൊല്ലം നിലമേല് ഗവര്ണര്ക്ക് നേരെയുള്ള എസ്എഫ്ഐ പ്രവര്ത്തകരുടെ കരിങ്കൊടി പ്രതിഷേധത്തിന് പിന്നാലെ റോഡരികില് ഇരുന്ന് പ്രതിഷേധിച്ച് ഗവര്ണര് ആരിഫ് മുഹമ്മദ് ഖാന് . പ്രതിഷേധക്കാര് കരിങ്കൊടി കാണിച്ചതിനെ തുടര്ന്ന് ക്ഷുഭിതനായി കാറില് നിന്നിറങ്ങിയ ഗവര്ണര് റോഡരികില് തന്നെ ഇരിക്കുകയായിരുന്നു.
മുഖ്യമന്ത്രി പോയാല് ഇങ്ങനെയാണോ സുരക്ഷ ഒരുക്കുന്നതെന്ന് ഗവര്ണര് ചോദിച്ചു. കേന്ദ്ര ആഭ്യന്തര മന്ത്രിയുടെ സെക്രട്ടറിയെ വിളിച്ച് പരാതിപ്പെട്ട ഗവര്ണര് പ്രധാനമന്ത്രിയെ വിളിക്കാനും ആവശ്യപ്പെട്ടു. മുഖ്യമന്ത്രിക്കെതിരെ പ്രതിഷേധിക്കുന്നവരുടെ തല തല്ലിപ്പൊട്ടിക്കുന്നു. തനിക്കെതിരെ പ്രതിഷേധിക്കുന്നവര്ക്കെതിരെ നടപടിയില്ല എന്നും ഗവര്ണര് കുറ്റപ്പെടുത്തി. വാഹനത്തില് കയറാന് കൂട്ടാക്കാതെ റോഡില് തന്നെ തുടര്ന്നാണ് ഗവര്ണര് പ്രതിഷേധിക്കുന്നത്.
പൊലീസിനോടും ഗവര്ണര് ക്ഷുഭിതനായി. പൊലീസ് സ്വയം നിയമം ലംഘിക്കുന്നുവെന്നും ഗവര്ണര് പൊലീസിനെ ശകാരിച്ചു. അന്പതോളം പ്രവര്ത്തകരുണ്ടായിരുന്നെന്ന് ഗവര്ണര് വ്യക്തമാക്കി. വരൂ എന്ന് പറഞ്ഞാണ് ഗവര്ണര് പ്രതിഷേധക്കാരുടെ ഇടയിലേക്ക് ഇറങ്ങിചെന്നത്. സംഭവത്തെ തുടര്ന്ന് കൂടുതല് പൊലീസുകാര് നിലമേലിലേക്ക് എത്തിയിരിക്കുകയാണ്. പ്രതിഷേധക്കാരുടെ ദൃശ്യങ്ങള് പരിശോധിച്ച് എല്ലാവരെയും അറസ്റ്റ് ചെയ്യാന് ഡിജിപി നിര്ദ്ദേശം നല്കി. പ്രതിഷേധക്കാര്ക്കെതിരെ കേസെടുത്തിന്റെ എഫ്ഐആര് കാണിക്കണമെന്നാണ് ഗവര്ണര് ആവശ്യപ്പെടുന്നത്.
