കേന്ദ്ര സര്ക്കാരിന്റെ സംസ്ഥാനത്തോടുള്ള അവഗണനയ്ക്കെതിരെ മുഖ്യമന്ത്രി പിണറായി വിജയന്റെ നേതൃത്വത്തില് ഡല്ഹിയില് നടക്കുന്ന പ്രതിഷേധത്തിന് പിന്തുണയുമായി ഡല്ഹി മുഖ്യമന്ത്രി അരവിന്ദ് കെജ്രിവാളും പഞ്ചാബ് മുഖ്യമന്ത്രി ഭഗ്വന്ദ് മന്നും. ഇരുവരും കേരളത്തിന്റെ സമരപന്തലില് എത്തി പിന്തുണ പ്രഖ്യാപിച്ചു. ഡിഎംകെയെ പ്രതിനിധീകരിച്ച് തമിഴ്നാട് മന്ത്രി പളനിവേല് ത്യാഗരാജനും മുന് ജമ്മു കശ്മീര് മുഖ്യമന്ത്രി ഫാറൂഖ് അബുല്ലയും സമരത്തില് പങ്കെടുക്കുന്നുണ്ട്.
കേരളത്തെ കേന്ദ്ര സര്ക്കാര് സാമ്പത്തികമായി വരിഞ്ഞ് മുറുക്കുന്നുവെന്ന് മുഖ്യമന്ത്രി പിണറായി വിജയന് പറഞ്ഞു. രാജ്യത്തിന്റെ ഐക്യത്തിനായി എന്നും നിലകൊണ്ടവരാണ് ഞങ്ങള്. പക്ഷേ, ഇന്നത്തെ സമരത്തെ വഴിതിരിച്ച് വിടാന് പ്രധാനമന്ത്രി തന്നെ ചില പരാമര്ശങ്ങള് നടത്തി. സംസ്ഥാന സര്ക്കാരിന്റെ കെടുകാര്യസ്ഥത എന്ന ആരോപണം അസത്യമാണ്. ട്രഷറി പൂര്ണമായും പ്രവര്ത്തിക്കുന്നു. കേരളത്തിന്റെ തനത് വരുമാനം വര്ദ്ധിക്കുന്നുണ്ട്.
വിവിധ ഇനങ്ങളില് ലഭിക്കേണ്ട തുകകള് വൈകിക്കുകയാണ്. യുജിസി ശമ്പള പരിഷ്കരണം, തദ്ദേശ സ്ഥാപനങ്ങളുടെ വികസന പദ്ധതികള്, നെല്ല് സംഭരണം, ദുരിതാശ്വാസ പ്രവര്ത്തനം, കാപെക്സ് അടക്കം 7490 കോടി രൂപയാണ് തടഞ്ഞുവച്ചിരിക്കുന്നത്. ഭരണഘടനയെ ദുര്വ്യാഖ്യാനം ചെയ്യുകയാണ്. കിഫ്ബി രൂപീകരിക്കപ്പെട്ടത് വികസന ക്ഷേമ പ്രവര്ത്തനങ്ങള്ക്ക് വേണ്ടിയാണ്. ബജറ്റിനു പുറമേയാണ് ഇവയുടെ പ്രവര്ത്തനം. എന്നാല് ഭരണഘടനയെ ദുര്വ്യാഖ്യാനം ചെയ്ത് വായ്പയെടുക്കല് പരിധി പരിമിതപ്പെടുത്തുകയാണ്.
ഇടക്കാല ബജറ്റില് കേരളത്തോട് തികഞ്ഞ അവഗണനയാണ്. കേന്ദ്രത്തിന്റെ സമീപനം കേരളത്തിന്റെ സമ്പദ്ഘടനയെ തകര്ക്കും. പ്രളയകാല അതിജീവന പാക്കേജ് നല്കിയില്ല. പ്രളയകാലത്ത് നടത്തിയ രക്ഷാപ്രവര്ത്തനത്തിന് പണം ഈടാക്കി. വിതരണം ചെയ്ത ഭക്ഷ്യധാന്യത്തിന്റെ പണം പോലും പിടിച്ചുപറിച്ചുവെന്നും മുഖ്യമന്ത്രി വിമര്ശിച്ചു.
സാമ്പത്തിക പ്രതിസന്ധി സംസ്ഥാനത്തിന്റെ ധൂര്ത്തിന്റെ ഫലമാണെന്ന പ്രതിപക്ഷ നേതാവ് വി.ഡി സതീശന്റ വിമര്ശനത്തിനും മുഖ്യമന്ത്രി മറുപടി നല്കി. സംസ്ഥാനത്തിന്റെ തനത് വരുമാനം വര്ധിച്ചു. ക്ഷേമപ്രവര്ത്തനങ്ങള് നടത്തിയതാണോ സാമ്പത്തിക കെടുകാര്യസ്ഥത. നികുതി വരുമാനത്തില് സംസ്ഥാനത്തിന് ലഭിക്കേണ്ട വിഹിതത്തില് വലിയ വിവേചനം കാണിക്കുന്നുവെന്നും മുഖ്യമന്ത്രി കുറ്റപ്പെടുത്തി. ഗവര്ണര്ക്കെതിരെയും രൂക്ഷമായ വിമര്ശനവും മുഖ്യമന്ത്രി ഉന്നയിച്ചു.
സിപിഎം ജനറല് സെക്രട്ടറി സീതറാം യെച്ചൂരി, പ്രകാശ്, കാരാട്ട്, ബൃന്ദാ കാരാട്ട്, എം.എ ബേബി, സംസ്ഥാന സെക്രട്ടറി എം.വി ഗോവിന്ദന്, സിപിഐ ജനറല് സെക്രട്ടറി ഡി.രാജ, സംസ്ഥാന സെക്രട്ടറി ബിനോയ് വിശ്വം, കേരള കോണ്ഗ്രസ് (എം) നേതാവ് ജോസ് കെ.മാണി, മറ്റ് ഘടകകക്ഷി നേതാക്കള്, മന്ത്രിമാര്, എം.പിമാര്, ഡല്ഹിയിലെ കേരളത്തിന്റെ പ്രതിനിധി കെ.വി തോമസ്, തമിഴ്നാട് ഐടി മന്ത്രി, നാഷണല് കോണ്ഫറന്സ് നേതാവ് ഫാറൂഖ് അബ്ദുള്ള, ഇടതു അനുകൂല സംഘടനകളുടെ പ്രതിനിധികള് തുടങ്ങിയവര് സമ്മേളനത്തില് പങ്കെടുത്തു.
കേരള ഹൗസില് നിന്നും ജന്തര്മന്തറിലേക്ക് മാര്ച്ച് നടത്തിയാണ് മുഖ്യമന്ത്രിയും മന്ത്രിമാരും ജനപ്രതിനിധികളും പ്രതിഷേധത്തിന് എത്തിയത്. ജന്തര്മന്തറില് പ്രത്യേകം തയ്യാറാക്കിയ വേദിയില് നടക്കുന്ന പ്രതിഷേധത്തില് മുഖ്യമന്ത്രി പിണറായി വിജയന്, മന്ത്രിമാര്, എംപിമാര്, എംഎല്എമാര് എന്നിവര് പങ്കെടുത്തു. എന്ഡിഎ ഇതര കക്ഷികളുടെ മുഖ്യമന്ത്രിമാരെയും ദേശീയ നേതാക്കളെയും സമരത്തിലേക്ക് ക്ഷണിച്ച് കത്ത് നല്കിയിരുന്നു.
