ഏക മകള് ആണ്സുഹൃത്തിനൊപ്പം പോയി, കൊല്ലത്ത് മനംനൊന്ത് മാതാപിതാക്കള് ജീവനൊടുക്കി
കൊല്ലം: മകള് ആണ്സുഹൃത്തിനൊപ്പം ഇറങ്ങിപ്പോയതില് മനംനൊന്ത് മാതാപിതാക്കള് ജീവനൊടുക്കി. പാവുമ്പ സ്വദേശി സൈനികനായ ഉണ്ണികൃഷ്ണപിള്ള (52) ഭാര്യ ബിന്ദു (48) എന്നിവരാണ് മരിച്ചത്. അമിതമായി ഗുളിക കഴിച്ച് ഇരുവരും ജീവനൊടുക്കുകയായിരുന്നു. ആശുപത്രിയില് പ്രവേശിപ്പിച്ചെങ്കിലും ബിന്ദു വെള്ളിയാഴ്ച രാത്രിയും ഉണ്ണികൃഷ്ണപിള്ള ഇന്ന് പുലര്ച്ചെയും മരണത്തിന് കീഴടങ്ങി.
കഴിഞ്ഞ ദിവസമാണ് ഇവരുടെ ഏകമകള് ആണ്സുഹൃത്തിനൊപ്പം പോയത്. ഇതിന് പിന്നാലെ വലിയ മനോവിഷമത്തിലായിരുന്നു ഇരുവരുമെന്ന് ബന്ധുക്കന് പറയുന്നു. ഇവരുടെ കിടപ്പുമുറിയ്ക്കുള്ളി നിന്നും ആത്മഹത്യാക്കുറിപ്പ് പൊലീസ് കണ്ടെത്തിയിട്ടുണ്ട്. മകളെ മൃതദേഹങ്ങള് കാണിക്കരുതെന്നാണ് ആത്മഹത്യാക്കുറിപ്പില് ഉള്ളത്.
ഇരുവരെയും പുറത്തു കാണാത്തതിനെ തുടര്ന്ന് പ്രദേശവാസികള് വീട്ടിലെത്തി നോക്കിയപ്പോഴാണ് കിടപ്പുമുറിയില് ഇവരെ അവശനിലയില് കണ്ടത്. ബിന്ദു തല്ക്ഷണവും ഉണ്ണികൃഷ്ണപിള്ള ഇന്ന് പുലര്ച്ചെയുമാണ് മരിച്ചത്. ഇരുവരുടെയും മൃതദേഹങ്ങള് ആശുപത്രിയില് സൂക്ഷിച്ചിരിക്കുകയാണ്. പോസ്റ്റ്മോര്ട്ടത്തിന് ശേഷം മൃതദേഹങ്ങള് ബന്ധുക്കള്ക്ക് കൈമാറും.
