ചരിത്രത്തില് ആദ്യമായി മാധ്യമ പ്രവര്ത്തകര്ക്കും തപാല് വോട്ട് ചെയ്യാന് അനുമതി നല്കി തിരഞ്ഞെടുപ്പ് കമ്മീഷന്. തപാല് വോട്ട് ചെയ്യാന് അര്ഹതയുള്ള അവശ്യസേവനങ്ങളുടെ പട്ടികയില് തെരഞ്ഞെടുപ്പ് കവറേജിലുള്ള മാധ്യമപ്രവര്ത്തകരെയും ഇത്തവണ ഉള്പ്പെടുത്തിയിട്ടുണ്ട്. ഇക്കാര്യം സംബന്ധിച്ച്
സംസ്ഥാന മുഖ്യ തിരഞ്ഞെടുപ്പ് കമ്മീഷണര്മാര്ക്ക് കേന്ദ്ര ഇലക്ഷന് കമ്മീഷന് നിര്ദേശം നല്കിയിട്ടുണ്ട്.
പോളിംഗ് ദിന പ്രവര്ത്തനങ്ങള് കവര് ചെയ്യുന്നതിനായി തിരഞ്ഞെടുപ്പ് കമ്മീഷന് അക്രഡിറ്റേഷന് നല്കിയ മാധ്യമപ്രവര്ത്തകര്ക്കാണ് പോസ്റ്റല് വോട്ട് ചെയ്യാന് സൗകര്യമുള്ളത്.
പോസ്റ്റല് വോട്ട് ചെയ്യുന്നതിന് വോട്ടര്പ്പട്ടികയില് പേരുള്ള പാര്ലമെന്റ് മണ്ഡലത്തിലെ അതത് ജില്ലാ തെരഞ്ഞെടുപ്പ് ഓഫീസറുടെ ഓഫീസില്നിന്നും ഫോം 12 ഡി നേരിട്ടു വാങ്ങുകയോ അതത് ചീഫ് ഇലക്ടറല് ഓഫീസറുടെ വെബ്സൈറ്റില്നിന്ന് ഫോം ഡൗണ്ലോഡ് ചെയ്യുകയോ ചെയ്യാമെന്ന് തിരഞ്ഞെടുപ്പ് കമ്മീഷണര് അറിയിച്ചു.
