പത്തുവര്ഷത്തിലേറെ നീണ്ട ഇടവേളയ്ക്കു ശേഷം ഹരിഹരന് ചിത്രം വരുന്നു. 2018, മാളികപ്പുറം എന്നി ബ്ലോക്ക്ബസ്റ്റര് ചിത്രങ്ങളിലൂടെ മലയാള സിനിമ ലോകത്തു തങ്ങളുടേതായ വ്യക്തിമുദ്ര പതിപ്പിച്ച കാവ്യ ഫിലിം കമ്പനിയാണ് നിര്മാണം . അന്പതിനു മുകളില് വര്ഷങ്ങളുടെ സിനിമ പ്രവര്ത്തി പരിചയവും, മലയാള സിനിമയുടെ എണ്ണം പറഞ്ഞ സിനിമകള് ഉള്പ്പടെ അന്പതു ചിത്രങ്ങളുടെ തിളക്കവുമുള്ള ഹരിഹരനും, നിലവിലെ മലയാള സിനിമയിലെ ഏറ്റവും ശ്രദ്ധേയമായ പ്രൊഡക്ഷന് ബാനറായ കാവ്യാ ഫിലിം കമ്പനിയും ഒന്നിക്കുമ്പോള് പ്രതീക്ഷകള് ഏറെയാണ്.
ഹരിഹരന് കാവ്യാ ഫിലിം കമ്പനി ചിത്രത്തിന്റെ കാസ്റ്റിംഗ് കാള് കഴിഞ്ഞ ദിവസം പുറത്ത് വന്നിരുന്നു. 25-35 വയസ്സിനിടയില് പ്രായമുള്ള ആരോഗ്യ ദൃഡഗാത്രരായ നടന്മാരെയും , 22-30 വയസ്സിനിടയില് പ്രായമുള്ള നൃത്ത പ്രാവീണ്യമുള്ള നടികളെയും തേടിയുള്ളതാണ് കാസ്റ്റിംഗ് കാള്.
മാളികപ്പുറം എന്ന ചിത്രത്തിന്റെ ഗംഭീര വിജയത്തിന് ശേഷം അഭിലാഷ് പിള്ളയുടെ തിരക്കഥയില് ആന് മെഗാ മീഡിയയും കാവ്യാ ഫിലിം കമ്പനിയും ചേര്ന്ന് നിര്മ്മിക്കുന്ന ആനന്ദ് ശ്രീബാലയാണ് നിലവില് കാവ്യ ഫിലിം കമ്പനിയുടേതായി ഇപ്പോള് നിര്മ്മാണം നടക്കുന്ന സിനിമ. വിഷ്ണു വിനയ് സംവിധാനം ചെയ്യുന്ന ചിത്രം വമ്പന് ബഡ്ജറ്റിലാണ് ഒരുങ്ങുന്നത്.
