യുകെ മലയാളികളെ തേടി മറ്റൊരു ദുരന്ത വാര്ത്ത കൂടി. സമീപകാലത്ത് യുകെയിലെത്തിയ കോട്ടയം സ്വദേശിയായ നഴ്സിനെ ഇന്നലെ വീട്ടില് മരിച്ച നിലയില് കണ്ടെത്തി. ഹാല്ലോ പ്രിന്സ് അലക്സാണ്ട്ര ഹോസ്പിറ്റലില് നഴ്സായ അരുണ് എന് കെ ആണ് മരിച്ച നിലയില് കണ്ടെത്തിയത്.
ഇന്നലെ വൈകുന്നേരത്തോടെ അരുണിന്റെ സഹപാഠികളുടെ നഴ്സിങ് ഗ്രൂപ് വഴിയാണ് വിവരം പുറത്തറിയുന്നത്. കോട്ടയം സ്വദേശിയായ അരുണ് ഒരു വര്ഷത്തിലേറെ മാത്രമേ ആയിട്ടുള്ളൂ യുകെയില് എത്തിയിട്ട്. ലണ്ടനിലെ പ്രിന്സ് അലക്സന്ദ്ര ഹോസ്പിറ്റലില് നഴ്സ് ആയി ജോലി നോക്കുകയാണ്. ഏതാനും മാസം മുന്പാണ് ഭാര്യയും യുകെ ലേക്ക് എത്തുന്നത്. ദമ്പതികള്ക്ക് രണ്ടു കൊച്ചു കുട്ടികളാണുള്ളത്.
അരുണ് ജോലി ചെയുന്ന ആശുപത്രിയിലേക്ക് തന്നെയാണ് മൃതദേഹം മാറ്റിയിരിക്കുന്നത്. വിവരം അറിഞ്ഞു സുഹൃത്തുക്കളും മലയാളി സമൂഹവും കുടുംബത്തിന് പിന്തുണയുമായി എത്തിയിട്ടുണ്ട്. കൂടുതല് വിവരങ്ങള് ലഭ്യമായിട്ടില്ല.
