വിദേശത്തേക്കു മടങ്ങാന് മാതാപിതാക്കളോടു യാത്ര ചോദിക്കവേ യുവാവ് കുഴഞ്ഞുവീണു മരിച്ചു
ആലപ്പുഴ: അവധി കഴിഞ്ഞു വിദേശത്തേക്കു മടങ്ങാന് മാതാപിതാക്കളോടു യാത്ര ചോദിക്കുമ്പോള് യുവാവ് കുഴഞ്ഞു വീണു മരിച്ചു. മലയാള മനോരമ ചാരുംമൂട് പ്രതിനിധി ചുനക്കര പോണാല് പടീറ്റതില് ജിയോ വില്ലയില് അനില് പി.ജോര്ജിന്റെയും അടൂര് ഏനാത്ത് പുതുശേരി കാവിള പുത്തന്വീട്ടില് ഓമനയുടെയും മകന് സ്വരൂപ് ജി.അനില് (29) ആണു മരിച്ചത്.
കഴിഞ്ഞ ദിവസം പുലര്ച്ചെ 4.30ന് തിരുവനന്തപുരത്തു നിന്നുള്ള വിമാനത്തില് ദുബായിലേക്കു പോകാള് ഞായറാഴ്ച രാത്രി പതിനൊന്നോടെ വീട്ടില്നിന്നു യാത്ര ചോദിച്ച് ഇറങ്ങാന് തുടങ്ങുമ്പോള് കുഴഞ്ഞുവീഴുകയായിരുന്നു. ഉടന് ചെങ്ങന്നൂര് കല്ലിശേരിയിലെ സ്വകാര്യ ആശുപത്രിയില് എത്തിച്ചെങ്കിലും രക്ഷിക്കാനായില്ല. ദുബായ് യുറാനസ് എയര് കണ്ടിഷന് റഫ്രിജറേഷന് ട്രേഡിങ് കമ്പനി മാനേജിങ് പാര്ട്നറായ സ്വരൂപ് 3 മാസമായി നാട്ടിലുണ്ടായിരുന്നു.
മൃതദേഹം 30ന് രാവിലെ 9ന് വസതിയില് കൊണ്ടുവരും. 11.30ന് ശുശ്രൂഷയ്ക്കു ശേഷം ചുനക്കര സെന്റ് തോമസ് മാര്ത്തോമ്മാ പള്ളിയില് സംസ്കാരം. സഹോദരന്: വിവേക് ജി.അനില് (ദുബായ് സഹാറ ഗ്രൂപ്പ് കമ്പനി മാനേജിങ് പാര്ട്നര്).
