യുകെയില് ജോലിയും ഫാമിലി വിസയും വാഗ്ദാനം ചെയ്ത് യുവതിയില് നിന്ന് 8 ലക്ഷം രൂപ തട്ടിയ കേസില് പ്രതി അറസ്റ്റില്. യുകെയില് ഫിഷ് കട്ടര് വാഗ്ദാനം ചെയ്ത് കരാഞ്ചിറ സ്വദേശിയായ യുവതിയില് നിന്നു ലക്ഷങ്ങള് തട്ടിയ ഇടുക്കി തൊടുപുഴ സ്വദേശി വേലംപറമ്പില് ജോബിയെ (28) ഇരിങ്ങാലക്കുട ഡിവൈഎസ്പി കെ.ജി.സുരേഷ്, കാട്ടൂര് എസ്എച്ച്ഒ ഇ.ആര്.ബൈജു എന്നിവരുടെ നേതൃത്വത്തില് പിടികൂടി.
മാസം 1,80,000 രൂപ ശമ്പളം ലഭിക്കുന്ന ജോലിയാണെന്ന് പറഞ്ഞ് 8,16,034 രൂപയാണ് കൊളംബസ് ജോബ്സ് ആന്ഡ് എജ്യുക്കേഷന് എന്ന സ്ഥാപനത്തിന്റെ പേരില് ഇയാളുടെ അക്കൗണ്ടിലേക്ക് വാങ്ങിയതെന്ന് പൊലീസ് പറഞ്ഞു.
