പാരിസ് ഒളിമ്പിക്സില് ഇന്ത്യയ്ക്ക് ആദ്യ മെഡല് ഷൂട്ടിങ് താരം മനു ഭാകറിലൂടെ
പാരിസ്: പാരിസ് ഒളിമ്പിക്സില് ഇന്ത്യയ്ക്ക് ആദ്യ മെഡല്. 10 മീറ്റര് എയര് പിസ്റ്റല് ഷൂട്ടിങ് ഫൈനലില് മനു ഭാകറാണ് ഇന്ത്യയ്ക്കായി വെങ്കല മെഡല് വെടിവച്ചിട്ടത്. ഷൂട്ടിങ്ങില് മെഡല് നേടുന്ന ആദ്യ ഇന്ത്യന് വനിതയാണ് മനു ഭാകര്. ആദ്യ ഷോട്ടില് തന്നെ രണ്ടാം സ്ഥാനത്തെത്താന് മനുവിനു സാധിച്ചിരുന്നു. ഫൈനല് പോരാട്ടത്തില് നാലു താരങ്ങള് പുറത്തായി നാലു പേര് മാത്രം ബാക്കിയായപ്പോള് ഒന്നാം സ്ഥാനത്തെത്താന് മനുവിന് 1.3 പോയിന്റുകള് കൂടി മതിയായിരുന്നു. എന്നാല് അവസാന അവസരങ്ങളില് താരം വെങ്കല മെഡലിലേക്കെത്തുകയായിരുന്നു.
0.1 പോയിന്റ് വ്യത്യാസത്തിലാണ് മനുവിന് വെള്ളി നഷ്ടമായത്. ദക്ഷിണ കൊറിയന് താരങ്ങള്ക്കാണ് ഈയിനത്തില് സ്വര്ണവും വെള്ളിയും. ഷൂട്ടിങ്ങില് ഇന്ത്യയുടെ അഞ്ചാം ഒളിമ്പിക്സ് മെഡലാണിത്. 2012 ലണ്ടന് ഒളിമ്പിക്സില് വിജയ് കുമാറാണ് ഇന്ത്യയ്ക്കായി അവസാനമായി ഷൂട്ടിങ് മെഡല് നേടിയത്.
