ചൂരല്മലയില് സൈന്യം ബെയ്ലി പാലം നിര്മാണത്തില്; വാഹനങ്ങളും യന്ത്രങ്ങളും എത്തിക്കാനാവും
കല്പ്പറ്റ: വയനാട് ഉരുള്പൊട്ടല് ദുരന്തത്തില് അതിവേഗ രക്ഷാപ്രവര്ത്തനം സാധ്യമാക്കാന് സൈന്യം ബെയ്ലി പാലം നിര്മാണത്തില്. ഒലിച്ചു പോയ ചൂരല്മല പാലത്തിന്റെ ഭാഗത്താണ് സൈനികരിലെ നൂറിലേറെ വിദഗ്ധര് പാലം നിര്മിക്കുന്നത്. ബെയ്ലി പാലത്തിലൂടെ വാഹനങ്ങളും ടിപ്പറുകളും ജെസിബിയും ജനറേറ്ററും അടക്കം എത്തിച്ചാല് മാത്രമേ മുണ്ടകൈയില് രക്ഷാ പ്രവര്ത്തനം മുന്നേറു. കെട്ടിടാവശിഷ്ടങ്ങള് മാറ്റുന്നതിന് യന്ത്രങ്ങള് അനിവാര്യമാണ്. ഈ സാഹചര്യത്തിലാണ് സൈന്യം ബെയ്ലി പാലം അതിവേഗം നിര്മ്മിക്കുന്നത്. യുദ്ധമുഖത്തെ നീക്കങ്ങള്ക്ക് വേണ്ടി സജ്ജമാക്കുന്ന അതിവേഗ പാലമാമാണിത്.
ഉരുള്പൊട്ടല് കനത്ത നാശംവിതച്ച ചൂരല്മലയില് നിര്മിച്ച താത്കാലിക നടപാലത്തിലൂടെ അഞ്ഞൂറിലധികം പേരെ രക്ഷപ്പെടുത്തിയിരുന്നു. സൈന്യവും ഫയര് ഫോഴ്സും സംയുക്തമായാണ് നടപ്പാലം നിര്മ്മിച്ചത്. അതിവേഗം ആളുകളെ രക്ഷിക്കാനായിരുന്നു ഈ പാലം. എന്നാല് ഇനി അതിദുഷ്കര രക്ഷാപ്രവര്ത്തനമാണ് നടത്തേണ്ടത്. അതിന് വാഹനങ്ങള് മറുഭാഗത്ത് ഏത്തേണ്ടത് അനിവാര്യതയാണ്. ഇതുകൊണ്ടാണ് ബെയ്ലിപാലം നിര്മ്മിക്കുന്നത്.
ഇന്നലെ ഉച്ചകഴിഞ്ഞ് സൈന്യവും എന്ഡിആര്എഫും അടങ്ങുന്ന ദൗത്യസംഘം പുഴ കടന്ന് മുണ്ടക്കൈയിലേക്ക് എത്തിയിരുന്നു. കണ്ണൂരിലെ ഡിഫന്സ് സെക്യൂരിറ്റി കോര്പ്സ് (ഡിഎസ്സി) സെന്ററില്നിന്ന് 200 സൈനികരുള്ള ഇന്ത്യന് ആര്മിയുടെ രണ്ട് വിഭാഗങ്ങള് വയനാട്ടിലുണ്ട്. കണ്ണൂരിലെ സൈനിക ആശുപത്രിയില്നിന്നുള്ള മെഡിക്കല് സംഘവും കോഴിക്കോട് നിന്നുള്ള ടെറിട്ടോറിയല് ആര്മിയുടെ സേനയേയും വയനാട്ടിലേക്ക് വിന്യസിച്ചിട്ടുണ്ടെന്ന് സൈനിക വൃത്തങ്ങള് അറിയിച്ചു. ഇതിന് പുറമേയാണ് കൂടുതല് സൈന്യം എത്തുന്നത്.
