വലിയ പ്രതീക്ഷകളോടെ വിവാഹത്തിനായി നാട്ടിലെത്തിയ പ്രതിശ്രുത വധുവും പിതാവും വാഹനാപകടത്തില് കൊല്ലപ്പെട്ടു. ഹരിപ്പാട് കെ വി ജെട്ടി ജംഗ്ഷനിലുണ്ടായ വാഹനാപകടത്തില് വള്ളികുന്നം സ്വദേശി സത്താര്, മകള് ആലിയ (20) എന്നിവരാണ് മരിച്ചത്. വഴിയോരത്ത് നിര്ത്തിയിട്ടിരുന്ന ലോറിക്ക് പിന്നില് ഇന്നോവ കാര് ഇടിക്കുകയായിരുന്നു.
വിദേശത്തായിരുന്ന സത്താര് മകള് ആലിയയുടെ വിവാഹത്തിന് വേണ്ടി നാട്ടിലെത്തിയതായിരുന്നു. വിമാനത്താവളത്തില് നിന്ന് വീട്ടിലേക്ക് പോകുന്നതിനിടെയാണ് വാഹനാപകടം ഉണ്ടായത്.
ഡ്രൈവര് ഉറങ്ങിപ്പോയതാണ് അപകടത്തിന് കാരണമെന്നാണ് പ്രാഥമിക നിഗമനം. നാട്ടുകാരാണ് രക്ഷാപ്രവര്ത്തനത്തിന് നേതൃത്വം നല്കിയത്.
