നോയല് ടാറ്റയെ മുംബൈ ടാറ്റ ട്രസ്റ്റ് ചെയര്മാനായി തിരഞ്ഞെടുത്തു. ഗ്രൂപ്പ് പിന്തുടര്ച്ച സംബന്ധിച്ച് ചര്ച്ച ചെയ്യാന് മുംബൈയില് ചേര്ന്ന ടാറ്റ ട്രസ്റ്റിന്റെ യോഗത്തിലാണ് തീരുമാനം. 67 കാരനായ നോയല് ടാറ്റ രത്തന് ടാറ്റയുടെ അര്ധസഹോദരനാണ്.
നോയല് ടാറ്റ നിലവില് സര് രത്തന് ടാറ്റ ട്രസ്റ്റിന്റെയും സര് ദോറാബ്ജി ടാറ്റ ട്രസ്റ്റിന്റെയും ട്രസ്റ്റിയാണ്. ഇവ രണ്ടും ടാറ്റ ട്രസ്റ്റിന്റെ കുടക്കീഴിലുള്ള പ്രധാന സ്ഥാപനങ്ങളാണ്. ട്രസ്റ്റുകള് ഗ്രൂപ്പിന്റെ ജീവകാരുണ്യ പ്രവര്ത്തനങ്ങള് കൈകാര്യം ചെയ്യുന്നതിന് പുറമേ ടാറ്റ ഗ്രൂപ്പിന്റെ മാതൃ കമ്പനിയായ ടാറ്റ സണ്സിന്റെ ഭൂരിഭാഗം ഓഹരികളും കൈവശം വയ്ക്കുകയും ചെയ്യുന്നു.
ടാറ്റ കമ്പനികളുടെ വരുമാനം 2023-24ല് 16,500 കോടി ഡോളറിലധികം ആയിരുന്നു. ഈ കമ്പനികളില് ഒന്നാകെ പത്തുലക്ഷത്തിലധികം ആളുകള് ജോലി ചെയ്യുന്നുണ്ട്.
