ട്വന്റി ഫോര് വാര്ത്താ സംഘം സഞ്ചരിച്ച കാറിടിച്ച് രണ്ട് വിദ്യാര്ഥികള് മരിച്ചു. പന്തലാംപാടം മേരിമാതാ ഹയര് സെക്കന്ഡറി സ്കൂളിലെ പത്താം ക്ലാസ്സ് വിദ്യാര്ഥികളായ മുഹമ്മദ് റോഷന്, മുഹമ്മദ് ഇസ്ലാം എന്നിവരാണ് മരിച്ചത്.
വടക്കഞ്ചേരി- മണ്ണുത്തി ദേശീയപാത നീലിപ്പാറ ക്വാറിക്ക് മുന്നില് വച്ച് ഇന്ന് ഉച്ചയോടുകൂടിയാണ് അപകടം ഉണ്ടായത്. വാണിയംപാറ പള്ളിയില് ജുമാ നിസ്ക്കാരത്തിന് ശേഷം റോഡരികിലൂടെ നടന്ന് പോവുകയായിരുന്ന വിദ്യാര്ത്ഥികളെ അമിത വേഗതയിലെത്തിയ കാര് ഇടിച്ച് തെറിപ്പിക്കുകയായിരുന്നു. വിദ്യാര്ഥികളെ ഉടന് തന്നെ തൃശൂരിലെ സ്വകാര്യ ആശുപത്രിയില് എത്തിച്ചെങ്കിലും മരിച്ചു.
