നടിയെ പീഡിപ്പിച്ചെന്ന കേസില് മുകേഷിന്റെ അറസ്റ്റ് രേഖപ്പെടുത്തി പൊലീസ് വിട്ടയച്ചത് അതീവരഹസ്യമായി
വടക്കാഞ്ചേരി: നടിയെ പീഡിപ്പിച്ച കേസില് മുകേഷ് എംഎല്എയെ വടക്കാഞ്ചേരിയില് അറസ്റ്റ് രേഖപ്പെടുത്തി പൊലീസ് വിട്ടയച്ചത് അതീവരഹസ്യമായി. മുകേഷിന്റെ അറസ്റ്റ് നടപടികള് പൂര്ത്തിയാക്കിയത് വളരെ രഹസ്യമായിട്ടാണെന്നുള്ള വിവരമാണ് ലഭിക്കുന്നത്. ആലുവ സ്വദേശിനിയായ നടിയുടെ പരാതിയിലാണ് മുകേഷിനെ അറസ്റ്റ് ചെയ്തത്.
തൃശൂര് വടക്കാഞ്ചേരി പൊലീസ് സ്റ്റേഷനില് ഇന്നലെ രാത്രി ഏഴു മണിയോടെയാണ് മുകേഷ് ഹാജരായത്. മുന്കൂര് ജാമ്യം ഉള്ളതിനാല് അറസ്റ്റ് ചെയ്ത് ജാമ്യത്തില് വിടുകയായിരുന്നു.
പ്രത്യേക അന്വേഷണ സംഘത്തിലെ എസ്.പി : ഐശ്വര്യ ഡോംഗ്രേ ആണ് അറസ്റ്റ് നടപടികള് പൂര്ത്തിയാക്കിയത്. ശേഷം വടക്കാഞ്ചേരി താലൂക്ക് ആശുപത്രിയില് വൈദ്യ പരിശോധന നടത്തി. വനിത ഐ.പി.എസ് ഉദ്യോഗസ്ഥയാണ് വിവരം പുറത്ത് പോകാതിരിക്കാന് പൊലീസുകാരെ ചട്ടം കെട്ടിയതെന്നാണ് ലഭിക്കുന്ന വിവരം.
2011ല് വടക്കാഞ്ചേരിയില് ഒരു സിനിമയുടെ ചിത്രീകരണത്തിനിടെ ഹോട്ടലില് വച്ച് മുകേഷ് തന്നോട് അപമര്യാദയായി പെരുമാറിയെന്നാണ് നടിയുടെ പരാതി.
