ആലപ്പുഴ ചെന്നിത്തലയില് വീടിന് തീപിടിച്ച് വൃദ്ധ ദമ്പതികള് മരിച്ച സംഭവം കൊലപാതകമെന്ന് സ്ഥിരീകരണം. ചെന്നിത്തല കോട്ടമുറി കൊറ്റോട്ട് വീട്ടില് രാഘവന് (92), ഭാര്യ ഭാരതി (90) എന്നിവരാണ് ഇന്ന് പുലര്ച്ചെ തീപ്പൊള്ളലേറ്റ് മരിച്ചത്. ഇവരുടെ മകന് വിജയന് ചോദ്യം ചെയ്യലില് കുറ്റം സമ്മതിച്ചു. സ്വത്ത് തര്ക്കമാണ് കൊലപാതകത്തിന് പിന്നിലെ പ്രകോപനം.
മാതാപിതാക്കള് സ്ഥലം എഴുതി നല്കാത്തതാണ് കൊലപാതകത്തിലേക്ക് നയിച്ചത്. വീടിനു സമീപത്തെ വയലില് നിന്നുമാണ് വിജയനെ പൊലീസ് കസ്റ്റഡിയില് എടുത്തത്. വിജയന് തന്നെയാണ് വീടിന് തീയിട്ടതെന്ന് വൃദ്ധ ദമ്പതികളുടെ മരുമകന് വിനോദ് പറഞ്ഞു. മദ്യലഹരിയിലായിരുന്നു വിജയനെന്നും വിനോദ് പ്രതികരിച്ചു.
