പതിനഞ്ച് വര്ഷത്തിലേറെയായി ലണ്ടനില് ജോലി ചെയ്ത് വരുകയായിരുന്ന യുകെ മലയാളി അന്തരിച്ചു. ഈസ്റ്റ് ഹാമില് താമസിച്ചിരുന്ന ഡെന്സില്(53) ആണ് മരണമടഞ്ഞത്. തിരുവനന്തപുരം വേളിയാണ് ഡെന്സിലിന്റെ കേരളത്തിലെ സ്വദേശം
പക്ഷാഘാതത്തെ തുടര്ന്ന് കുറെ നാളുകളായി ന്യൂഹാള് ആശുപത്രിയില് ചികിത്സയിലായിരുന്നു. പിന്നീട് ഈസ്റ്റ് ഹാമിലെ ഒരു കെയര് ഹോമിന്റെ പ്രചരണത്തിലേയ്ക്ക് മാറിയിരുന്നു . തിരുവനന്തപുരം പള്ളിത്തുറ സ്വദേശിയായ മോളി ഡെന്സിലാണ് ഭാര്യ, അലീഷ്യ ഡെന്സില്, ഡിഫെസിയ ഡെന്സില് എന്നിവര് മക്കളാണ്. ഡെന്സിലിന്റെ ഭാര്യയും മക്കളും കേരളത്തില് ആണ് താമസിച്ചിരുന്നത്.
ആരോഗ്യനിലയില് പുരോഗതി കൈവരിച്ച് നാട്ടില് ഉറ്റവരുടെയും ഉടയവരുടെയും അടുത്തേക്ക് പോകാനുള്ള തയ്യാറെടുപ്പുകള് പുരോഗമിക്കെയാണ് മരണം സംഭവിച്ചത്. മൃതദേഹം സ്വദേശത്ത് എത്തിച്ച് അന്ത്യകര്മ്മങ്ങള് നടത്താനാണ് കുടുംബം താത്പര്യപ്പെടുന്നത്. അതിനുള്ള നടപടികള് പുരോഗമിക്കുകയാണ്.
