'പാര്ട്ടി അനുഭാവികള്ക്ക് മദ്യപിക്കുന്നതിന് തടസ്സമില്ലെന്ന് സിപിഎം സംസ്ഥാന സെക്രട്ടറി എം വി ഗോവിന്ദന്. പാര്ട്ടി നേതൃത്വത്തില് നില്ക്കുന്നവര് മദ്യപിക്കരുതെന്നാണ് പറഞ്ഞതെന്നും എം വി ഗോവിന്ദന് കൂട്ടിച്ചേര്ത്തു.
പാര്ട്ടി ബന്ധുക്കള്ക്കും അനുഭാവികള്ക്കും മദ്യപിക്കുന്നതിന് തടസമില്ല.
ഇതൊരു സുപ്രഭാതത്തില് ഉണ്ടായ വെളിപാടല്ലെന്നും അദ്ദേഹം കൊല്ലത്തു പറഞ്ഞു. എന്നാല്, പാര്ട്ടി നേതൃത്വത്തില് നില്ക്കുന്നവരും പ്രവര്ത്തകരും മദ്യപിക്കരുതെന്നാണ് പറഞ്ഞതെന്നും അദ്ദേഹം വ്യക്തമാക്കി.
അതേസമയം, നേരത്തെ പാര്ട്ടി അംഗങ്ങള് മദ്യപിക്കാന് പാടില്ലെന്ന് എം വി ഗോവിന്ദന് പറഞ്ഞിരുന്നു. പാര്ട്ടി അംഗങ്ങള് മദ്യപിക്കാന് പാടില്ലെന്നും മദ്യപിക്കരുതെന്ന് ഭരണഘടനാപരമായി തന്നെ പറയുന്നുണ്ടെന്നുമായിരുന്നു എംവി ഗോവിന്ദന് നേര്യത്തെ വാര്ത്താസമ്മേളനത്തില് പറഞ്ഞത്.
'ഞങ്ങളുടെ പാര്ട്ടി അംഗങ്ങള്ക്ക് മദ്യപിക്കാന് പാടില്ല. മദ്യപിക്കരുതെന്ന് ഭരണഘടനാപരമായി തന്നെ പറയുന്നുണ്ട്. ഞങ്ങളാരും ഇന്നുവരെ ഒരുതുള്ളി കുടിച്ചിട്ടില്ല. മദ്യപിക്കില്ല, സിഗരറ്റ് വലിക്കില്ല, അങ്ങനെ വലിക്കാന് പാടില്ല എന്ന ദാര്ശനിക കാഴ്ചപ്പാടില് വളര്ന്നുവന്നവരാണ് ഞങ്ങള്. ആരെങ്കിലും മദ്യപിക്കുന്നതായി നിങ്ങള് പറഞ്ഞാല് ഞങ്ങള് അപ്പോള് തന്നെ അവരെ പുറത്താക്കും' -എം വി ഗോവിന്ദന് പറഞ്ഞു.
