മെയ് ഒന്നിന് ബ്രിട്ടനില് നടക്കുന്ന കൗണ്ടി കൗണ്സില് തിരഞ്ഞെടുപ്പില്, തിരുവനന്തപുരം സ്വദേശി സ്വരൂപ് കൃഷ്ണന് കണ്സര്വേറ്റിവ് പാര്ട്ടി സ്ഥാനാര്ത്ഥിയായി ജനവിധി തേടുന്നു. ഡര്ബിഷെയര് കൗണ്ടി കൗണ്സിലിലെ സ്പിയര് വാര്ഡില് നിന്നാണ് സ്വരൂപ് മത്സരിക്കുന്നത്.നിലവില് ലേബര് പാര്ട്ടി വിജയിച്ച മണ്ഡലത്തിലെ മലയാളികള് അടക്കുമുള്ള കുടിയേറ്റക്കാരുടെ വോട്ടുകള് നിര്ണ്ണായകമാണ്.യുകെയിലെ എന്എച്ച്സിലെ നേഴ്സ് ആയി ജോലി ചെയ്യുന്ന സ്വരൂപ് കൃഷ്ണന്,കുടിയേറ്റക്കാര്ക്ക് ഇടയില് വളരെ ജനകീയത ഉള്ള വ്യക്തിത്വമാണ്.
'ഒരു നഴ്സായ എന്നെ സമൂഹിക സേവനം എല്ലാ കാലത്തും ആകര്ഷിച്ചിട്ടുണ്ട്, ആരോഗ്യ രംഗത്തും സമൂഹിക കാര്യങ്ങളിലും ഫലവത്തായ ഇടപെടല് നടത്താന് കഴിയും. അതിനേക്കള് ഉപരി ഗുണപരവും സമഗ്രവുമായ ചില മാറ്റങ്ങള് വരുത്താനും ആഗ്രഹിക്കുന്നു. ഇതില് മലയാളികളായ വോട്ടര്മാരുടെ സഹകരണവും പിന്തുണയും അഭ്യര്ത്ഥിക്കുന്നു' എന്ന് സ്വരൂപ് കൃഷ്ണന് അറിയിച്ചു.
സ്വരൂപ് കൃഷ്ണന്റെ സ്ഥാനാര്ത്ഥിത്വം മലയാളി സമൂഹം ആഘോഷമാക്കി മാറ്റിയിട്ടുണ്ട്. നിലവില് ലേബര് പാര്ട്ടിയുടെ പക്കലാണ് മണ്ഡലം. മലയാളികള് വസിക്കുന്ന സ്പൈര് പ്രദേശത്ത് മലയാളികളുടെ വോട്ടുകള് ഏകോപിപ്പിക്കുക എന്നതാണ് കണ്സര്വേറ്റിവ് പാര്ട്ടി ലക്ഷ്യം വയ്ക്കുന്നത്. സ്വരൂപ് കൃഷ്ണന്റ സ്ഥാനാര്ത്ഥിത്വം ലേബര്പാര്ട്ടി പ്രാദേശിക നേതൃത്വത്തെ പ്രതിസന്ധിയിലാക്കിയിട്ടുണ്ട് എന്നാണ് പൊതുവില് വിലയിരുത്തപ്പെടുന്നത്.
2021ല് യുകെയിലേയ്ക്ക് കുടിയേറിയ സ്വരൂപ് കൃഷ്ണന് തിരുവനന്തപുരം സ്വദേശിയാണ്.കഴിഞ്ഞ രണ്ടുവര്ഷമായി ആണ് കണ്സര്വേറ്റീവ് പാര്ട്ടി മെമ്പര്ഷിപ്പിലേക്ക് വരുന്നത് കഴിഞ്ഞ ഇലക്ഷന് പാര്ലമെന്റ് ഇലക്ഷനിലെ കണ്സര്വേറ്റീവ് പാര്ട്ടി കാന്ഡിഡേറ്റ് Ben Flook ന്റെ തിരിഞ്ഞെടുപ്പ് പ്രവര്ത്തനങ്ങള്ക്ക് നേതൃത്വം നല്കി കൊണ്ടാണ് പ്രാദേശിക രാഷ്ട്രീയ ശ്രദ്ധാ കേന്ദ്രമാകുന്നത്.
