തിരുവനന്തപുരം പോത്തന്കോടില് 11 വയസുകാരിക്ക് പീഡനം. അമ്മയുടെ ആണ്സുഹൃത്താണ് കുട്ടിയെ പീഡിപ്പിച്ചത്. മാതാപിതാക്കളുടെ വിവാഹമോചന കൗണ്സിലിനിങ്ങിനിടെയാണ് 11 വയസുകാരി വെളിപ്പെടുത്തല് നടത്തിയത്. സംഭവത്തില് അമ്മയെയും അമ്മയുടെ സുഹൃത്തിനെയും പ്രതി ചേര്ത്ത് പൊലീസ് കേസ് എടുത്തു. കോടതിയുടെ നിര്ദേശപ്രകാരമാണ് നടപടി.
പോത്തന്കോട് സ്റ്റേഷന് പരിധിയിലാണ് സംഭവം. കുടുംബകോടതിയിലാണ് കുട്ടി മൊഴി നല്കിയിരിക്കുന്നത്. അമ്മയുടെ ഒത്താശയോട് കൂടിയാണ് പീഡനം നടന്നത്. സ്വന്തം വീട്ടില് വച്ചായിരുന്നു പീഡനമെന്നും കുട്ടി മൊഴി നല്കിയിട്ടുണ്ട്. പീഡനവിവരം അമ്മയോട് പറഞ്ഞെങ്കിലും പുറത്ത് പറയുന്നത് അമ്മ വിലക്കിയെന്നും കുട്ടി പറഞ്ഞു.
സുഹൃത്തിനെ അമ്മ വീട്ടിലേക്ക് വിളിച്ച് വരുത്തുകയായിരുന്നെന്നും അച്ഛന് വീട്ടില് ഇല്ലാതിരുന്ന സമയത്താണ് പീഡനം നടന്നതെന്നും കുട്ടിയുടെ മൊഴിയിലുണ്ട്. പിന്നാലെ കോടതിയുടെ നിര്ദേശപ്രകാരം ഇരുവര്ക്കുമെതിരെ വഞ്ചിയൂര് പൊലീസ് കേസെടുക്കുകയായിരുന്നു. കേസില് അമ്മയുടെ ആണ്സുഹൃത്ത് ഒന്നാം പ്രതിയും അമ്മ രണ്ടാം പ്രതിയുമാണ്.
