ആരോ അക്രമിക്കാന് വന്നെന്ന് കരുതി പേടിച്ചോടിയതാണെന്ന് ഷൈന് ടോം ചാക്കോ
ലഹരി പരിശോധനക്കെത്തിയ പോലീസിനെ കണ്ടു മുറിയില് നിന്നും ചാടി ഓടിയതില് വിശദീകരണം നല്കി നടന് ഷൈന് ടോം ചാക്കോ. വന്നത് പൊലീസ് ആണെന്ന് അറിഞ്ഞില്ലെന്നും ആരോ അക്രമിക്കാന് വന്നെന്ന് കരുതി പേടിച്ചോടിയതാണെന്നും ഷൈന് പൊലീസിന് മൊഴി നല്കി. എറണാകുളം നോര്ത്ത് പൊലീസ് സ്റ്റേഷനിലാണ് ഷൈന് ഹാജരായത്.
അതിനിടെ, ഷൈന് ടോം ചാക്കോയുടെ ഫോണ് പരിശോധിക്കുകയാണ് പൊലീസ്. വാട്സ്ആപ്പ് ചാറ്റുകളും കോളുകളമാണ് പൊലീസ് പരിശോധിക്കുന്നത്. നടത്തിയ ഗൂഗിള് പേ ഇടപാടുകളും പൊലീസ് പരിശോധിക്കുന്നുണ്ട്. ഷൈന് സ്ഥിരം ഉപയോഗിച്ചിരുന്ന ഫോണ് ഇത് തന്നെ ആണോ എന്നാ സംശയത്തിലാണ് പൊലീസ്. സ്ഥിരം ഇടപാടുകള്ക്ക് മറ്റ് ഫോണ് ഉണ്ടോ എന്നാണ് പൊലീസ് സംശയിക്കുന്നത്.
സ്ഥിരമായി മൂന്ന് ഫോണുകളാണ് ഉപയോഗിക്കുന്നതെന്ന് ഷൈന് പൊലീസിന് മൊഴി നല്കി. എന്നാല് ഒരു ഫോണ് മാത്രമാണ് ഷൈന് പൊലീസിന് മുന്നില് ഹാജരാക്കിയത്. ഷൈന് ടോം ചാക്കോയുടെ കഴിഞ്ഞ ഒരു മാസത്തെ കോള് ലോഗുകള് പൊലീസ് ശേഖരിച്ചിട്ടുണ്ട്. ഇതിന്റെ അടിസ്ഥാനത്തിലാണ് ചോദ്യം ചെയ്യല്. സമീപകാലത്ത് ഷൈന് നഗരത്തില് താമസിച്ച 6 ഹോട്ടലുകളില് നിന്നുള്ള സിസിടിവി ദൃശ്യങ്ങളും പൊലീസ് ശേഖരിച്ചിട്ടുണ്ട്. ഹോട്ടലുകളില് താമസിച്ചിരുന്ന ദിവസങ്ങളില് ഷൈനിനെ സന്ദര്ശിച്ചവരുടെ പട്ടികയും പൊലീസ് തയാറാക്കിയിട്ടുണ്ട്.
