യുകെയില് എന്എച്ച്എസ് ആശുപത്രികളില് ജീവനക്കാരുടെ ക്ഷാമം രോഗികളെ അപകടത്തിലാക്കുന്ന തോതില് ഗുരുതരമായി തുടരുന്നുവെന്ന് കണക്കുകള്. ഇംഗ്ലണ്ട്, വെയില്സ്, നോര്ത്തേണ് അയര്ലണ്ട് എന്നിവിടങ്ങളില് നടത്തിയ സര്വ്വെയിലാണ് മൂന്നില് രണ്ട് ഷിഫ്റ്റുകളിലും സുരക്ഷിതമായ പരിചരണം ഉറപ്പാക്കാന് ആവശ്യമായ തോതില് നഴ്സുമാരില്ലെന്നാണ് സര്വ്വെ കണ്ടെത്തുന്നത്.
ഒരു വര്ഷത്തിനിടെ 63 ശതമാനം വര്ദ്ധനവാണ് ഇക്കാര്യത്തില് ഉണ്ടായിട്ടുള്ളത്. മറ്റേണിറ്റി വാര്ഡുകളിലും, ഇഞ്ചുറി റിഹാബ് യൂണിറ്റുകളിലുമാണ് ഏറ്റവും വലിയ ആശങ്ക നിലനില്ക്കുന്നത്. പകുതി ഷിഫ്റ്റുകളിലും ആരോഗ്യജീവനക്കാര് രോഗികള്ക്ക് ഗുരുതര അപകടസാധ്യത നേരിടുന്നതായി സര്വ്വെ സ്ഥിരീകരിച്ചു.
യുണീന് യൂണിയനാണ് സര്വ്വെ നടത്തിയത്. ഹെല്ത്ത് സര്വ്വീസില് ഉടനീളം ജീവനക്കാരുടെ ക്ഷാമം ഭയാനകമായ തോതില് പതിവായി നേരിടുന്നുവെന്നാണ് കാണിക്കുന്നതെന്ന് യുണീഷന് നാഷണല് നഴ്സിംഗ് ഓഫീസര് സ്റ്റുവര്ട്ട് ടക്ക്വുഡ് പറഞ്ഞു.
'നഴ്സിംഗ് ജീവനക്കാര് സുപ്രധാന പരിചരണം നല്കാന് കഴിയാതെയും, രോഗികള്ക്ക് സമയത്ത് വേദനാസംഹാരി നല്കാന് പറ്റാതെയും വിഷമിക്കുന്നു. എംപ്ലോയറുടെ സഹായത്തിനായി ജീവനക്കാര് കാത്തിരിക്കുകയാണ്. എന്നാല് ആശങ്കകളില് നടപടിയില്ല. രോഗികളുടെ സുരക്ഷ ഉറപ്പാക്കാന് ഇക്കാര്യത്തില് അടിയന്തര അന്വേഷണം വേണം', ടക്ക്വുഡ് ആവശ്യപ്പെട്ടു.
