ആരോഗ്യ വകുപ്പ് മന്ത്രി വീണാ ജോര്ജിന് ആസ്ട്രേലിയയിലെ വിക്ടോറിയന് പാര്ലമെന്റ് സമ്മേളനത്തില് പങ്കെടുക്കുന്നതിന് ക്ഷണം. വിശിഷ്ടാതിഥിയായി പങ്കെടുക്കുന്നതിനും പാര്ലമെന്റിന്റെ ആദരവ് ഏറ്റുവാങ്ങുന്നതിനുമായാണ് ക്ഷണിച്ചിരിക്കുന്നത്.
കേരളവും വിക്ടോറിയയുമായിട്ടുള്ള ആരോഗ്യ മേഖലയിലെ സഹകരണത്തിന്റെ അംഗീകാരമായിട്ടാണ് മന്ത്രിയെ ക്ഷണിച്ചിരിക്കുന്നത്. 19ന് വിക്ടോറിയന് പാര്ലമെന്റ് സമ്മേളനത്തിലാണ് മന്ത്രി പങ്കെടുക്കുന്നത്. സംസ്ഥാനങ്ങളിലെ മന്ത്രിമാര്ക്ക് അപൂര്വമായാണ് ഇത്തരമൊരു അവസരം ലഭിക്കുന്നത്.
ഈ കാലയളവില് കേരളവും വിക്ടോറിയയും തമ്മിലുള്ള സഹകരണം ശക്തിപ്പെടുത്തുന്നതിന് ഒട്ടേറെ പ്രവര്ത്തനങ്ങള് നടന്നിട്ടുണ്ട്. സന്ദര്ശനത്തോടനുബന്ധിച്ച് വിക്ടോറിയയിലെ ആരോഗ്യ വകുപ്പ് മന്ത്രി, വനിതാ ശിശു ക്ഷേമ വകുപ്പ് മന്ത്രി എന്നിവരുമായി മന്ത്രി വീണാ ജോര്ജ് ചര്ച്ച നടത്തും.
