മിനച്ചിലാറ്റില് ഒഴുക്കില്പ്പെട്ട് 18 കാരിയായ ഐറിന് ജിമ്മി (18) വിടവാങ്ങി. ഈരാറ്റുപേട്ട അരുവിത്തുറ കൊണ്ടൂര് പാലാത്ത് ജിമ്മിയുടെയും അനുവിന്റെയും മകളാണ് ഐറിന് . ബുധനാഴ്ച ഉച്ചകഴിഞ്ഞ് മൂന്ന് മണിയോടെ വീടിനു പുറകുവശത്തെ കടവില് സഹോദരിയ്ക്കൊപ്പം കുളിക്കാനിറങ്ങിയ ഐറിന് ഒഴുക്കില് പെടുകയായിരുന്നു.
ഫയര്ഫോഴ്സും ടീം എമര്ജന്സി പ്രവര്ത്തകരും സ്ഥലത്ത് പാഞ്ഞെത്തിയപ്പോഴേക്കും അപകടം നടന്ന് 20 മിനിട്ടിലേറെ പിന്നിട്ടിരുന്നു. ഈരാറ്റുപേട്ട സണ്റൈസ് ഹോസ്പിറ്റലില് നേരിയ പള്സ് കാണിച്ചെങ്കിലും അവസാനം മരണം സംഭവിക്കുകയായിരുന്നു.
അമല് ജ്യോതി എഞ്ചിനീയറിംഗ് കോളജ് വിദ്യാര്ത്ഥി എഡ്വിന് , പ്ലസ്ടു വിദ്യാര്ത്ഥിനിയായ മെറിന് എന്നിവരാണ് സഹോദരങ്ങള്.
