മുന് മുഖ്യമന്ത്രിയും മുതിര്ന്ന സിപിഎം നേതാവുമായ വി.എസ് അച്യുതാനന്ദന് ആദരാഞ്ജലി അര്പ്പിച്ച് നടന്മാരായ മമ്മൂട്ടിയും മോഹന്ലാലും കമല് ഹാസനും. പ്രിയ സഖാവ് വി.എസ്. അച്യുതാനന്ദന് ആദരാഞ്ജലികള്’ എന്നാണ് മമ്മൂട്ടി ഫെയ്സ്ബുക്കില് കുറിച്ചത്.
'ജീവിതം തന്നെ സമരമാക്കിയ ജനനായകന്, പ്രിയപ്പെട്ട സഖാവ് വി.എസ്സിന് കണ്ണീരില് കുതിര്ന്ന ആദരാഞ്ജലികള്. സാധാരണക്കാരുടെ പ്രതീക്ഷയും, പ്രത്യാശയുമായി തിളങ്ങി നിന്ന ആ മഹത് വ്യക്തിത്വവുമായി എക്കാലത്തും സ്നേഹബന്ധം പുലര്ത്താനായത് ഭാഗ്യമായി ഞാന് കാണുന്നു. മൂന്ന് തവണ പ്രതിപക്ഷ നേതാവായും, ഒരു തവണ മുഖ്യമന്ത്രിയായും സേവനമനുഷ്ഠിച്ച അദ്ദേഹം നിലപാടുകളിലും ആദര്ശത്തിലും എക്കാലവും ഉറച്ചുനിന്നു. മലയാളിയുടെ മനസ്സില് അദ്ദേഹത്തിന് മരണമില്ല' മോഹന്ലാല് കുറിച്ചു.
'അവഗണിക്കപ്പെട്ടവരുടെ വഴികാട്ടിയായ വി എസ് അച്യുതാനന്ദന് ഇപ്പോള് വിശ്രമത്തിലാണ്. കേരളത്തിന്റെ മുന് മുഖ്യമന്ത്രിയും, സ്വാതന്ത്ര്യ സമര സേനാനിയും, കമ്മ്യൂണിസ്റ്റ് ഐക്കണുമായ അദ്ദേഹം ഒരിക്കലും വിസ്മരിക്കപ്പെട്ടവര്ക്കായുള്ള പോരാട്ടം അവസാനിപ്പിച്ചിരുന്നില്ല. കേരളത്തിനും ഇന്ത്യയ്ക്കും ഒരു യഥാര്ത്ഥ ജനകീയ ചാമ്പ്യനെ നഷ്ടപ്പെട്ടു. വിട, സഖാവേ' എന്നാണ് കമല് ഹാസന് കുറിച്ചത്.
' കേരള രാഷ്ട്രീയത്തിലെ വിപ്ലവ സൂര്യന് അസ്തമിച്ചു. വിപ്ലവ നായകന്, വി എസ്സിന് വിട' എന്നാണ് ദിലീപ് സോഷ്യല് മീഡിയയില് കുറിച്ചത്. '' നിത്യതയില്, ലാല് സലാം സഖാവേ'' എന്നാണ് കുഞ്ചാക്കോ ബോബന് ഫേസ്ബുക്കില് കുറിച്ചത്.
പേരിനെ അടയാളമാക്കിയ നേതാവിന് ആദരാഞ്ജലി എന്നാണ് മഞ്ജു വാര്യര് കുറിച്ചിരിക്കുന്നത്. 'വി.എസ്.അച്യുതാനന്ദന്റെ കാല്പാദത്തില് ഒരു മുറിവിന്റെ ഇന്നും മായാത്ത പാടുള്ളതായി ഒരിക്കല് വായിച്ചതോര്ക്കുന്നു. പുന്നപ്ര-വയലാര് സമരത്തിന്റെ ഓര്മയായ ബയണറ്റ് അടയാളം. ആ കാല്പാദം കൊണ്ടാണ് അദ്ദേഹം ജനഹൃദയങ്ങളിലേക്ക് നടന്നുകയറിയത്. അത് ഓരോ ചുവടിലും സൂക്ഷിച്ചിരുന്നതുകൊണ്ടാണ് അദ്ദേഹം എന്നുമൊരു പോരാളിയായിരുന്നതും. സ്ത്രീ സുരക്ഷയ്ക്ക് വേണ്ടിയുള്ള വി.എസിന്റെ നിലപാടുകള് കാലത്തിന്റെ ആവശ്യകത കൂടിയായിരുന്നു. പേരിനെ ശരിയടയാളമാക്കിയ നേതാവിന് ആദരാഞ്ജലി.
വി.എസ് അച്യുതാനന്ദന് വിടനല്കി മലയാളത്തിന്റെ പ്രിയ ഗായകരായ കെ.ഐ യേശുദാസും, കെ.എസ് ചിത്രയും, സുജാതയും. പ്രിയ സഖാവിന് വിട ആദരാഞ്ജലികള് എന്നാണ് ചിത്ര കുറിച്ചത്. ആദരാഞ്ജലികള് എന്നാണ് സുജാത മോഹന് കുറിച്ചത്.
'വിട. വിപ്ലവ സൂര്യന് വിട വാങ്ങി. ആദരാഞ്ജലികള്..കണ്ണീര് പ്രണാമം. മരണത്തിനും തോല്പ്പിക്കാന് കഴിയാത്ത ഓര്മ്മകളില് വി.എസ്. ജീവിക്കുമ്പോള് ചരിത്രം വി.എസ് എന്ന മനുഷ്യനെ ഓര്ക്കുക അസ്തമയം ഇല്ലാത്ത സൂര്യന് എന്നായിരിക്കും. ആദര്ശസൂര്യന് ആദരാഞ്ജലികള്. സത്യവും നീതിബോധവും കൊണ്ട് എന്നും സാധാരണ ജനസമൂഹത്തോടൊപ്പം നില ഉറപ്പിക്കുകയും ചെയ്ത യഥാര്ത്ഥ കമ്മ്യൂണിസ്റ്റ്. ഇനി വരുമോ ഇതുപോലെ ആദര്ശമുള്ള മനുഷ്യര്. പുതിയ തലമുറയ്ക്ക് പാഠമാകട്ടെ മാതൃകാപരമായ ആ ജീവിതം. വിഎസ് അച്യുതാനന്ദന് ജ്വലിക്കുന്ന ഓര്മ്മയായി മനുഷ്യഹൃദയങ്ങളില് എന്നും ജീവിക്കും', എന്നായിരുന്നു കെ ജെ യേശുദാസിന്റെ വാക്കുകള്.
