രണ്ട് മക്കളുമായി കിണറ്റില് ചാടി, ഒരു കുട്ടി മരിച്ചു; അമ്മ റിമാന്ഡില്
കണ്ണൂര്: പരിയാരം ശ്രീസ്ഥലയില് രണ്ടു മക്കളുമായി കിണറ്റില് ചാടുകയും ഒരാള് മരിക്കുകയും ചെയ്ത സംഭവത്തില് അമ്മ റിമാന്ഡില്. അമ്മ ധനജയെ പയ്യന്നൂര് കോടതിയാണ് റിമാന്ഡ് ചെയ്തത്. കിണറ്റില് ചാടിയതിനെ തുടര്ന്ന് ഗുരുതര പരിക്കേറ്റ മകന് ധ്യാന് കൃഷ്ണ ചികിത്സയില് ഇരിക്കെ കഴിഞ്ഞ ദിവസമായിരുന്നു മരിച്ചത്. ഇതേ തുടര്ന്ന് ധനജയക്കെതിരെ പരിയാരം പൊലീസ് കൊലക്കുറ്റം ചുമത്തിയിരുന്നു.
ജൂലൈ 30നായിരുന്നു സംഭവം. ധനജയയും ഭര്തൃമാതാവുമായി കുടുംബ പ്രശ്നങ്ങള് നിലനിന്നിരുന്നു. ഇതിനെ തുടര്ന്ന് പരിയാരം പൊലീസ് സ്റ്റേഷനില് യുവതിയും വീട്ടുകാരും പരാതി നല്കുകയും ചെയ്തിരുന്നു. സംഭവ ദിവസം രാവിലെയും വീട്ടില് പ്രശ്നങ്ങളുണ്ടായി. ഇതേ തുടര്ന്നാണ് യുവതി മക്കളുമായി കിണറ്റില് ചാടി ജീവനൊടുക്കാന് ശ്രമിച്ചത്. കിണറ്റില് നിന്ന് കരച്ചില് കേട്ടതിനെ തുടര്ന്ന് കുട്ടികളുടെ അച്ഛനായ മനോജും പിന്നാലെ നാട്ടുകാരും ഓടിയെത്തുകയായിരുന്നു.
ഉടന് തന്നെ ഫയര്ഫോഴ്സില് വിവരമറിയിക്കുകയും നാട്ടുകാരും ഫയര്ഫോഴ്സും ചേര്ന്ന് മൂന്നു പേരെയും കിണറ്റില് നിന്ന് പുറത്തെടുക്കുകയും ചെയ്തു. പിന്നാലെ മൂന്ന് പേരെയും ആശുപത്രിയില് പ്രവേശിപ്പിച്ചു. ചികിത്സയില് ഇരിക്കെ രണ്ട് ദിവസം മുന്പാണ് ധ്യാന് കൃഷ്ണ മരിക്കുന്നത്. ഇതിന് പിന്നാലെയാണ് ധനജയക്കെതിരെ കൊലക്കുറ്റത്തിന് കേസെടുത്തത്. മറ്റൊരു കുട്ടി ദിയയുടെ ആരോഗ്യനില തൃപ്തികരമാണ്.
