അശ്ളീല വിവാദം: രാഹുല് മാങ്കൂട്ടത്തില് യൂത്ത് കോണ്ഗ്രസ് അധ്യക്ഷ സ്ഥാനം രാജിവെച്ചു
പത്തനംതിട്ട: യുവനടിക്ക് അശ്ലീല സന്ദേശമയച്ച വിഷയത്തില് ഉയര്ന്ന വിവാദങ്ങളെ തുടര്ന്ന് യൂത്ത് കോണ്ഗ്രസ് അധ്യക്ഷസ്ഥാനം രാഹുല് മാങ്കൂട്ടത്തില് രാജിവെച്ചു. രാജിക്കത്ത് യൂത്ത് കോണ്ഗ്രസ് നേതൃത്തിന് കൈമാറി. വിഷയത്തില് ധാര്മികതയുടെ പുറത്താണ് രാജിവെക്കുന്നതെന്ന് രാഹുല് വ്യക്തമാക്കി. അടൂരിലെ വീട്ടില് നടത്തിയ വാര്ത്താ സമ്മേളനത്തിലാണ് രാജി പ്രഖ്യാപിച്ചത്. രാഹുല് മാങ്കൂട്ടത്തിലിനെതിരെ ഉയര്ന്ന ആരോപണങ്ങളില് അദ്ദേഹം മറുപടി പറയണമെന്ന് പാര്ട്ടിയില് ആവശ്യം ഉയര്ന്നിരുന്നു. രാഹുല് മാങ്കൂട്ടത്തില് യൂത്ത് കോണ്ഗ്രസ് അധ്യക്ഷസ്ഥാനം രാജിവെച്ചു.
ആരോപണങ്ങളുടെ പശ്ചാത്തലത്തില് രാഹുല് യൂത്ത് കോണ്ഗ്രസ് സംസ്ഥാന അധ്യക്ഷ സ്ഥാനത്തുനിന്ന് മാറിനില്ക്കണമെന്ന ആവശ്യവും ശക്തമായിരുന്നു.
യുവ നേതാവിനെതിരെ നടി നടത്തിയ വെളിപ്പെടുത്തല് വ്യാപക ചര്ച്ചയ്ക്കാണ് വഴിവെച്ചിരിക്കുന്നത്. മാധ്യമപ്രവര്ത്തക കൂടിയായ നടി പേര് വെളിപ്പെടുത്താതെയാണ് ആരോപണം ഉന്നയിച്ചതെങ്കില് രാഹുല് മാങ്കൂട്ടത്തിലിനെതിരെയെന്നാണ് സോഷ്യല് മീഡിയയില് അടക്കം ചൂടേറിയ ചര്ച്ച നടക്കുന്നത്.
ജൂണ് മാസം താന് നടത്തിയ ശ്രീലങ്കന് യാത്രയ്ക്കിടെ വിശേഷങ്ങള് ചോദിച്ച് രാഹുല് മാങ്കൂട്ടത്തില് ഇന്സ്റ്റഗ്രാമില് സന്ദേശം അയച്ചതായി ഹണി ഭാസ്കരന് പറയുന്നു. തന്റെ ഫോട്ടോയ്ക്ക് ഹൃദയം അയച്ചുകൊണ്ടായിരുന്നു രാഹുല് തുടങ്ങിയത്. ശ്രീലങ്ക പോവാന് പ്ലാന് ഉണ്ടെന്ന് പറഞ്ഞതുകൊണ്ട് ഒരു മുന്വിധികളും ഇല്ലാതെ താന് അത് വിശദീകരിച്ചു നല്കി. അതിന് ശേഷം നിലമ്പൂര് ഇലക്ഷനുമായി ബന്ധപ്പെട്ട് ബെറ്റുംവെച്ച് അയാള് പോയെന്നും ഹണി ഭാസ്കരന് പറഞ്ഞു. ഇതിന് ശേഷം താന് കാണുന്നത് അയാളുടെ മെസേജുകളുടെ തുടര്ച്ചയായിരുന്നു. ചാറ്റ് നിര്ത്താന് അയാള്ക്ക് ഉദ്ദേശം ഇല്ല എന്ന് മനസിലാക്കിയതോടെ റിപ്ലൈ നല്കിയില്ല. താന് മറുപടി നല്കാത്തതുകൊണ്ട് ആ ചാറ്റ് അവസാനിച്ചു. എന്നാല് പിന്നീട് കാര്യങ്ങള് വ്യത്യസ്തമായിരുന്നു. ആ ചാറ്റിന് പിന്നിലെ അശ്ലീല കഥകള് പിന്നീടാണ് താന് മനസിലാക്കുന്നതെന്ന് ഹണി ഭാസ്കരന് പറയുന്നു.
താനുമായുള്ള ചാറ്റിലെ വിവരങ്ങള് രാഹുല് മാങ്കൂട്ടത്തില് യൂത്ത് കോണ്ഗ്രസിലെ സുഹൃത്തുക്കളോട് പറയുകയാണ് ചെയ്തതെന്ന് ഹണി ഭാസ്കരന് ചൂണ്ടിക്കാട്ടുന്നു. താന് അങ്ങോട്ട് ചെന്ന് ചാറ്റ് ചെയ്തു എന്നാണ് അയാള് പറഞ്ഞു നടന്നതെന്നും ഹണി ഭാസ്കരകന് പറഞ്ഞു. രാഹുല് ഒരു തികഞ്ഞ രാഷ്ട്രീയ മാലിന്യം ആണെന്ന് തനിക്ക് വ്യക്തിപരമായി ബോധ്യപ്പെടുത്തി തന്നത് സഖാക്കളല്ല. അയാളുടെ തോളില് കയ്യിട്ടും ചാരി ഉറങ്ങിയും നൃത്തം ചെയ്തും ഫണ്ട് മോഷണത്തില് പങ്ക് ചേര്ന്നും ദിവസത്തിന്റെ ഏറിയ സമയവും അയാള്ക്കൊപ്പം ചെലവഴിക്കുന്ന പേര് കേട്ട യൂത്ത് കോണ്ഗ്രസ് പ്രവര്ത്തകരാണെന്നും ഹണി കൂട്ടിച്ചേര്ത്തു.
