കൊല്ലം: യുവ കന്യാസ്ത്രീയെ മഠത്തില് തൂങ്ങിമരിച്ച നിലയില് കണ്ടെത്തി. തിങ്കളാഴ്ച വൈകീട്ട് മൂന്ന് മണിക്കാണ് കൊല്ലം നഗരത്തിലെ ശങ്കേഴ്സ് ആശുപത്രിക്ക് സമീപമുള്ള ആരാധനാലയത്തില് ഇവരെ തൂങ്ങി മരിച്ച നിലയില് കണ്ടെത്തിയത്. തമിഴ്നാട് മധുര സ്വദേശിനിയായ മേരി സ്കൊളാസ്റ്റിക്ക(33) ആണ് മരിച്ചത്.
ഉടന് സമീപത്തെ ആശുപത്രിയിലേക്ക് കൊണ്ടുപോയെങ്കിലും ജീവന് രക്ഷിക്കാനായില്ല. മൂന്ന് വര്ഷമായി മഠത്തിലെ അന്തേവാസിയാണ്.
രണ്ട് ദിവസം മുമ്പ് ഇവരുടെ ബന്ധുക്കള് മഠത്തില് എത്തിയിരുന്നു. സ്ഥലത്ത് നിന്ന് ആത്മഹത്യാക്കുറിപ്പും ലഭിച്ചതായി പറയുന്നു. സംഭവത്തില് പോലീസ് അന്വേഷണം നടക്കുന്നുണ്ട്. ഇവര് ഡിപ്രഷന്റെ അവസ്ഥയിലായിരുന്നുവെന്നാണ് ആത്മഹത്യാക്കുറിപ്പില് നിന്നുമുള്ള വിവരം.
