കോട്ടയം: ഏറ്റുമാനൂര് പുന്നത്തുറയില് നിയന്ത്രണം നഷ്ടമായ 108 ആംബുലന്സ് കാറില് ഇടിച്ച് മറിഞ്ഞ് നഴ്സിന് ദാരുണാന്ത്യം. കട്ടപ്പന സ്വദേശിയായ മെയില് നഴ്സ് ജിതിനാണ് മരണപ്പെട്ടത്. ഇടുക്കി കാഞ്ചിയാറില് നിന്നും കോട്ടയം മെഡിക്കല് കോളെജ് ആശുപത്രിയിലേയ്ക്ക് രോഗിയുമായി എത്തിയ ആംബുലന്സാണ് അപകടത്തില് പെട്ടത്.
അപകടത്തില് 3 പേര്ക്ക് പരുക്കേറ്റു. ആംബുലന്സ് ഡ്രൈവര്ക്കും, രോഗികളായ ഇടുക്കി നെടുങ്കണ്ടം സ്വദേശികളായ ഷിനി, തങ്കമ്മ എന്നിവര്ക്കുമാണ് പരുക്കേറ്റത്. നാട്ടുകാര് ചേര്ന്ന് ഇവരെ കോട്ടയം മെഡിക്കല് കോളെജ് ആശുപത്രിയില് പ്രവേശിപ്പിച്ചു.
വെള്ളിയാഴ്ച ഉച്ചയ്ക്ക് രണ്ടരയോടെ ഏറ്റുമാനൂര് പാലാ റോഡില് പുന്നത്തുറ കവലയ്ക്ക് സമീപമായിരുന്നു സംഭവം. ആംബുലന്സ് നിയന്ത്രണം നഷ്ടമായി റോഡില് നിന്നും തെന്നിമാറി എതിര് ദിശയില് നിന്നും എത്തിയ കാറില് ഇടിച്ച് മറിയുകയായിരുന്നു. കാറിനും സാരമായി കേടുപാടുകള് സംഭവിച്ചിട്ടുണ്ട്. പരുക്കേറ്റവരുടെ നില ഗുരുതരമല്ല.
