ഗാന്ധി ജയന്തി ദിനംത്തില് തെരുവ് ശുചീകരണവുമായി ഐഒസി (യു കെ); ബോള്ട്ടന് എം പി യാസ്മിന് ഖുറേഷി ഉദ്ഘാടനം ചെയ്യും
ഐ ഒ സി (യു കെ) - കേരള ചാപ്റ്റര് മിഡ്ലാന്ഡ്സ് ഏരിയയുടെ നേതൃത്വത്തില് ഗാന്ധി ജയന്തി ദിനത്തില് തെരുവ് ശുചീകരണം നടത്തും. അന്നേ ദിവസം 'സേവന ദിന'മായി ആചരിക്കുന്നതിന്റെ ഭാഗമായി ഐ ഓ സി പ്രവര്ത്തകര് ബോള്ട്ടനിലെ 'പ്ലേ പാര്ക്ക്' പ്ലേ ഗ്രൗണ്ട് ശുചീകരിക്കും.
കൗണ്സിലുമായി ചേര്ന്നു രാവിലെ 10 മണി മുതല് സംഘടിപ്പിക്കുന്ന ശ്രമദാനം ബോള്ട്ടന് സൗത്ത് & വാക്ക്ഡണ് എം പി യാസ്മിന് ഖുറേഷി ഉദ്ഘാടനം നിര്വഹിക്കും. ജന പ്രതിനിധികള്, സാമൂഹ്യ പ്രവര്ത്തകര്, വിവിധ യൂണിറ്റ് / റീജിയനുകളില് നിന്നുള്ള ഐ ഒ സി പ്രവര്ത്തകര് തുടങ്ങിയവര് പരിപാടിയുടെ ഭാഗമാകും പങ്കെടുക്കും.
രാജ്യ വ്യത്യാസമില്ലാതെ വര്ധിച്ചു വരുന്ന ലഹരി ഉപയോഗത്തിന്റെ ദൂഷ്യ ഫലങ്ങള് ബോധവല്കരിച്ചുകൊണ്ട് 'സര്വോദയ ലഹരി വിരുദ്ധ ക്യാമ്പയിനി'ന്റെ ഔദ്യോഗിക ഉദ്ഘടനവും ചടങ്ങില് വച്ച് സംഘടിപ്പിക്കും. കേരള ചാപ്റ്റര് പ്രസിഡന്റ് ഷൈനു ക്ലെയര് മാത്യൂസ് ലഹരി വിരുദ്ധ പ്രതിജ്ഞ അംഗങ്ങള്ക്ക് ചൊല്ലിക്കൊടുക്കും.
ഗാന്ധിജിയുടെ ഛായാചിത്രത്തിന് മുന്നില് പ്രവര്ത്തകര് പുഷ്പാര്ച്ചന അര്പ്പിക്കും. പരിപാടിയുടെ ഭാഗമായി 'ഗാന്ധിസ്മൃതി സംഗമം സംഘടിപ്പിക്കും. 'സേവന ദിന'ത്തിന്റെ ഭാഗമാകുന്ന എല്ലാ അംഗങ്ങളെയും സര്ട്ടിഫിക്കറ്റുകള് നല്കി ആദരിക്കുമെന്ന് പ്രോഗ്രാം കോര്ഡിനേറ്റര് റോമി കുര്യാക്കോസ് അറിയിച്ചു.
തദേശഭരണ സംവിധാനം, മലയാളി അസോസിയേഷന് ഉള്പ്പടെയുള്ള വിവിധ സംഘടനകള്, എന് ജി ഒകള് തുടങ്ങിയ കൂട്ടായ്മകളുമായി ചേര്ന്ന് വിവിവിധ ബോധവല്കരണ പരിപാടികള്, ലഹരിയുടെ ഉപഭോഗം കുറയ്ക്കുന്നതിനുള്ള പ്രവര്ത്തനങ്ങളില് സജീവമായ ഇടപെടലുകളും ലഹരി വിരുദ്ധ സന്ദേശം ഉള്പ്പെടുത്തിക്കൊണ്ട് മാരത്തോണ് തുടങ്ങിയ കായിക പരിപാടികള്, മനുഷ്യ ചങ്ങല തുടങ്ങിയവയും 'സര്വോദയ ലഹരി വിരുദ്ധ ക്യാമ്പയിനി'ന്റെ ഭാഗമായി ഐ ഒ സി (യു കെ) - കേരള ചാപ്റ്റര് മിഡ്ലാന്ഡ്സ്ഏരിയയുടെ നേതൃത്വത്തില് യു കെയിലാകമാനം സംഘടിപ്പിക്കും.
