നീണ്ട ഏഴ് മാസത്തെ ഇടവേളക്ക് ശേഷം കാമറയ്ക്ക് മുന്നില് മെഗാസ്റ്റാര് മമ്മൂട്ടി. ആരാധകര് ആഗ്രഹിച്ചപോലെ യാതൊരു ആരോഗ്യപ്രശനങ്ങളും ഇല്ലാതെ മമ്മൂട്ടി ചെന്നൈ വിമാനത്താവളത്തില് സ്വയം ഡ്രൈവ് ചെയ്ത് എത്തി.
ഹൈദരാബാദിലെ സെറ്റിലേക്ക് പോകാനാണ് മമ്മൂട്ടി ചെന്നൈ വിമാനത്താവളത്തിലേക്ക് എത്തിയത്. മഹേഷ് നാരായണന് സംവിധാനം ചെയ്യുന്ന മള്ട്ടിസ്റ്റാര് ചിത്രം പേട്രിയറ്റ് സിനിമയുടെ ചിത്രീകരണത്തിലേക്കാണ് മമ്മൂട്ടി എത്തുന്നത്. ഒരിടവേളയ്ക്ക് ശേഷം മമ്മൂട്ടിയും മോഹന്ലാലും ഒന്നിക്കുന്ന ചിത്രം എന്നത് തന്നെയായിരുന്നു അതിന് കാരണം.
ആരോഗ്യ പ്രശ്നങ്ങളെ തുടര്ന്ന് വിശ്രമത്തിലായിരുന്ന മമ്മൂട്ടി ഒക്ടോബര് ഒന്നിന് ഹൈദരാബാദില് എത്തുമെന്ന് ആന്റോ ജോസഫ് നേരത്തെ അറിയിച്ചിരുന്നു. സിനിമയില് നിന്നെടുത്ത ചെറിയ ഇടവേള ലോകമെമ്പാടുമുള്ളവരുടെ പ്രാര്ത്ഥനകളുടെയും മനസ്സാന്നിധ്യത്തിന്റെയും ബലത്തില് അതിജീവിച്ചുവെന്ന് അദ്ദേഹം ഫേസ്ബുക്കില് കുറിച്ചു. പ്രാര്ത്ഥനയില് കൂട്ടുനിന്നവര്ക്കും ഉലഞ്ഞപ്പോള് തുണയായവര്ക്കും നന്ദിയെന്നും ആന്റോ ഫേസ്ബുക്ക് കുറിപ്പില് പറഞ്ഞിരുന്നു. ചിത്രത്തിന്റെ ബാക്കി ഷൂട്ടിങ് യുകെയിലും ഉണ്ടാവും.
