മോഹന്ലാലിന് ആദരമര്പ്പിച്ച് കേരളം, മലയാളത്തിന്റെ സുവര്ണ നേട്ടമെന്ന് മുഖ്യമന്ത്രി
തിരുവനന്തപുരം: ദാദാ സാഹേബ് പുരസ്കാരം നേടിയ മോഹന്ലാലിനെ ആദരിച്ച് സംസ്ഥാന സര്ക്കാര്. മോഹന്ലാലിനുളള അംഗീകാരം മലയാള സിനിമയ്ക്കുളള അംഗീകാരം കൂടിയാണെന്ന് മുഖ്യമന്ത്രി പിണറായി വിജയന് പറഞ്ഞു. ഇന്ത്യന് സിനിമയുടെ വളര്ച്ചയ്ക്ക് മോഹന്ലാല് നല്കിയ സംഭാവനകള്ക്കുളള ആദരവാണ് ഫാല്ക്കെ പുരസ്കാരം. ഈ നേട്ടം ഓരോ മലയാളിക്കും അഭിമാനമാണ്.
ഫാല്ക്കെ അവാര്ഡിലൂടെ ഇന്ത്യന് ചലച്ചിത്ര കലയുടെ സമുന്നത പീഠത്തിന്റെ അധിപനായി മോഹന്ലാല് മാറി. മലയാളികളെ ഇത്രത്തോളം സ്വാധീനിച്ച ഒരു വ്യക്തിത്വമില്ലെന്നും മുഖ്യമന്ത്രി പറഞ്ഞു. മോഹന്ലാലിനെ പൊന്നാടയണിയിച്ച മുഖ്യമന്ത്രി സംസ്ഥാന സര്ക്കാരിന്റെ പുരസ്കാരവും കൈമാറി. തിരുവനന്തപുരം സെന്ട്രല് സ്റ്റേഡിയത്തില് 'മലയാളം വാനോളം ലാല്സലാം' എന്ന പേരിലാണ് മോഹന്ലാലിനെ ആദരിക്കുന്ന സംസ്ഥാന സര്ക്കാരിന്റെ ചടങ്ങ് നടന്നത്.
മോഹന്ലാല് മലയാളത്തിന്റെ ഇതിഹാസതാരമാണെന്ന് മുഖ്യമന്ത്രി പറഞ്ഞു. ഇത് ഓരോ മലയാളിക്കും അഭിമാനിക്കാനുള്ള നേട്ടമാണ്. മലയാള സിനിമയുടെ ചരിത്രത്തിലെ സുവര്ണ നേട്ടമാണിത്. ശതാബ്ദിയോട് അടുക്കുന്ന മലയാള സിനിമയില് അര നൂറ്റാണ്ടായി മോഹന്ലാലുണ്ടെന്നും മുഖ്യമന്ത്രി പറഞ്ഞു.
ഭരത് മോഹന്ലാലിലൂടെ വാനോളമാണ് മലയാളം ഉയര്ന്നത് അതുകൊണ്ടാണ് സിനിമക്കുള്ള സമഗ്ര സംഭാവനക്ക് രാജ്യത്തെ പരമോന്നത ബഹുമതിയായ ദാദാ സാഹേബ് ഫാല്ക്കെ അവാര്ഡ് നേടിയ മോഹന്ലാലിനോട് കേരളം ഒന്നടങ്കം ലാല്സലാം എന്ന് പറയുന്നതെന്ന് സാംസ്കാരിക വകുപ്പ് മന്ത്രി സജി ചെറിയാന് പറഞ്ഞു.
