സ്കോട്ട് ലന്ഡിലെ എഡിന്ബറോയില് മലയാളി അന്തരിച്ചു. കോഴിക്കോട് സ്വദേശിയായ ഷബിന് അരയാന്തോപ്പില് (45) ആണ് നിര്യാതനായത്. ടോണ്സിലൈറ്റിസ് മൂലമുണ്ടായ കടുത്ത അണുബാധയെ തുടര്ന്ന് എഡിന്ബറോ റോയല് ഇന്ഫെര്മറി ആശുപത്രിയില് ചികിത്സയില് കഴിയുമ്പോഴായിരുന്നു മരണം. വ്യാഴാഴ്ച ഉച്ചയ്ക്ക് ഏകദേശം ഒരു മണിയോടെയായിരുന്നു അന്ത്യം.
കോഴിക്കോട് സ്വദേശിയായ ഷബിന് കഴിഞ്ഞ രണ്ട് വര്ഷമായി കുടുംബത്തോടൊപ്പം യുകെയില് താമസിക്കുകയായിരുന്നു. സേഫ്റ്റി എഞ്ചിനീയറായി ജോലി ചെയ്തു വരികയായിരുന്നു അദ്ദേഹം. പ്രൊഫഷണല് ബാഡ്മിന്റണ് കോച്ചായും പ്രവര്ത്തിച്ചിരുന്ന ഷബിന് എഡിന്ബറോയിലെ അസോസിയേഷനിലെ സജീവ പ്രവര്ത്തകനുമായിരുന്നു.
ബന്ധുവിന്റെ വിവാഹത്തില് പങ്കെടുക്കാനായി അദ്ദേഹം മൂന്ന് മാസം മുന്പ് നാട്ടിലെത്തിയിരുന്നു . അതിന് ശേഷം തിരിച്ചെത്തിയപ്പോഴാണ് ആരോഗ്യപ്രശ്നങ്ങള് അദ്ദേഹത്തെ പിടികൂടിയത്.
ഭാര്യ: രേഖ (ടിസിഎസ് പ്രോജക്ട് മാനേജര്). മക്കള്: ആദി, ഇഷാന.
മൃതദേഹം നാട്ടിലെത്തിക്കാനുള്ള നടപടികള് സുഹൃത്തുക്കളുടെ നേതൃത്വത്തില് നടക്കുകയാണ്. സംസ്കാരത്തിന്റെ വിവരങ്ങൾ പിന്നീട് അറിയിക്കുന്നതായിരിക്കും.
