അയര്ലന്റിലെ ആശുപത്രിയില് ഉദ്യോഗസ്ഥനായി ജോലി ചെയ്തിരുന്ന അങ്കമാലി തച്ചില് ലിസോ ദേവസി(48)യെ പെരിയാറില് മരിച്ച നിലയില് കണ്ടെത്തി. പെരിയാറിലെ ഉളിയന്നൂര് കടവിലാണ് ലിസോ ദേവസിയെ മരിച്ച നിലയില് കണ്ടെത്തിയത്.
രണ്ടാഴ്ച മുന്പാണ് ലിസോ ദേവസി അവധിയ്ക്ക് നാട്ടില് എത്തിയത്. എന്നാല് ബുധനാഴ്ച ഉച്ചയ്ക്കു ശേഷം കാണാതാവുകയായിരുന്നു. തുടര്ന്നു വീട്ടുകാര് പൊലീസില് പരാതി നല്കുകയും ചെയ്തിരുന്നു. അന്വേഷണം നടക്കവേയാണ് മൃതദേഹം കണ്ടെത്തുന്നത്.
ദേവസിയുടെയും മേരിയുടെയും മകനാണ്. സംസ്കാരം ഞായറാഴ്ച മൂന്നിന് അങ്കമാലി സെന്റ് ജോര്ജ് ബസിലിക്കയില് നടക്കും. ഭാര്യ: ചുള്ളി തിരുതനത്തില് ലിന്സി (നഴ്സ്, അയര്ലന്ഡ്). മക്കള്: നിഖിത, പാട്രിക്.
