ജോണ്പോള് ജോര്ജ് കഥയെഴുതി സംവിധാനം ചെയ്യുന്ന ഡ്രാമഡി വിഭാഗത്തിലുള്ള ചിത്രം 'ആശാന്' പുതിയ ക്യാരക്റ്റര് പോസ്റ്റര് പുറത്തുവിട്ടു. ചിത്രത്തിന്റെ ടൈറ്റില് കഥാപാത്രമായ ആശാനെ അവതരിപ്പിക്കുന്ന ഇന്ദ്രന്സിന്റെ പോസ്റ്ററാണ് ആദ്യം പുറത്തു വന്നിരിക്കുന്നത്.
സൂപ്പര്ഹിറ്റായ 'രോമാഞ്ച'ത്തിനു ശേഷം ഗപ്പി സിനിമാസ് അവതരിപ്പിക്കുന്ന ചിത്രമാണ് 'ആശാന്'. പ്രേക്ഷകഹൃദയം കവര്ന്ന 'ഗപ്പി', 'അമ്പിളി' എന്നീ ചിത്രങ്ങള്ക്ക് ശേഷം ജോണ്പോള് ജോര്ജ് കഥയെഴുതി സംവിധാനം ചെയ്യുന്ന ചിത്രത്തെ വളരെ പ്രതീക്ഷയോടെയാണ് ആരാധകര് കാത്തിരിക്കുന്നത്.
മുന് സിനിമകളില് നിന്നും വ്യത്യസ്തമായ പാതയാകും ഈ ചിത്രത്തില് ജോണ്പോള് ജോര്ജ് പിന്തുടരുകയെന്നാണ് സൂചന. ഡ്രാമയും കോമഡിയും ചേര്ന്ന ഡ്രാമഡി വിഭാഗത്തിലുള്ള, സിനിമക്കുള്ളിലെ സിനിമയുടെ കഥ പറയുന്ന ചിത്രം പൂര്ണമായും നര്മത്തിന്റെ മേമ്പൊടിയില് ആയിരിക്കും.
നേരത്തെ ഷോബി തിലകന്, ജോമോന് ജ്യോതിര്, അബിന് ബിനോ, കനകം, ബിപിന് പെരുമ്പള്ളി എന്നിവരുടെ ക്യാരക്റ്റര് പോസ്റ്ററുകള് പുറത്തു വന്നിരുന്നു. വിനായക് ശശികുമാര് രചന നിര്വഹിക്കുന്ന ചിത്രത്തിലെ ഗാനങ്ങള്ക്ക് സംഗീതം നല്കുക സംവിധായകനായ ജോണ്പോള് ജോര്ജ് തന്നെയാണെന്ന പ്രത്യേകതയും ഇതിനുണ്ട്.
ഗപ്പി സിനിമാസിന്റെ ബാനറില് ജോണ്പോള് ജോര്ജ് അന്നം ജോണ്പോള്, സൂരജ് ഫിലിപ്പ് ജേക്കബ് എന്നിവരാണ് ചിത്രം നിര്മിക്കുന്നത്. സെന്ട്രല് പിക്ചേഴ്സ് വിതരണം ചെയ്യുന്ന ചിത്രം അധികം വൈകാതെ തന്നെ തിയറ്ററുകളില് എത്തും.
ഛായാഗ്രഹണം: വിമല് ജോസ് തച്ചില്, എഡിറ്റര്: കിരണ് ദാസ്, സൗണ്ട് ഡിസൈന്: എംആര് രാജശേഖരന്, സംഗീത സംവിധാനം: ജോണ്പോള് ജോര്ജ്, ഗാനരചന: വിനായക് ശശികുമാര്, പശ്ചാത്തല സംഗീതം: അജീഷ് ആന്റോ, മേക്കപ്പ്: റോണക്സ് സേവ്യര്, പ്രൊഡക്ഷന് ഡിസൈനര്: വിവേക് കളത്തില്, കോസ്റ്റ്യൂം ഡിസൈന്: വൈഷ്ണവ് കൃഷ്ണ, കോ-ഡയറക്ടര്: രഞ്ജിത്ത് ഗോപാലന്, ചീഫ് അസോ.ഡയറക്ടര്: അബി ഈശ്വര്, കോറിയോഗ്രാഫര്: ശ്രീജിത്ത് ഡാസ്ലര്, പ്രൊഡക്ഷന് കണ്ട്രോളര്: ശ്രീക്കുട്ടന് ധനേശന്, വിഎഫ്എക്സ്: എഗ്ഗ് വൈറ്റ് വിഎഫ്എക്സ്, സ്റ്റില്സ്: ആര് റോഷന്, നവീന് ഫെലിക്സ് മെന്ഡോസ, ഡിസൈനിങ്: അഭിലാഷ് ചാക്കോ.
