യുകെയില് വലിയ തോതില് രാഷ്ട്രീയ സമവാക്യങ്ങള് മാറിമറിയുന്നു. ലേബറിനും ടോറികള്ക്കും ഭീഷണിയായി പുതിയ അഭിപ്രായ സര്വ്വേയില് ഗ്രീന്സ് പാര്ട്ടി രണ്ടാം സ്ഥാനത്ത് എത്തി. ഫൈന്ഡ് ഔട്ട് നൗ നടത്തിയ സര്വ്വേയില് ബ്രിട്ടനിലെ രണ്ട് പ്രധാന പാര്ട്ടികളുടെ നില പരുങ്ങലിലാണ്. ഗ്രീന്സ് നേടിയത് 17 ശതമാനം വോട്ടുകളാണ്.
ലേബര് പാര്ട്ടിയും കണ്സര്വേറ്റീവ് പാര്ട്ടിയും പിന്തള്ളപ്പെടുന്ന സ്ഥിതിയാണ്. റിഫോം യുകെ 32 ശതമാനം വോട്ടുകളുമായി മുന്നേറ്റം തുടരുകയാണ്. ഗ്രീന്സ് ഒക്ടോബര് ആദ്യം മുതല് തന്നെ പോയിന്റ് നിലയില് അഞ്ചു ശതമാനത്തിന്റെ വര്ധനവ് നേടി എന്നാണ് കണക്കുകള് പറയുന്നത്.
ഒക്ടോബര് മാസത്തില് ലേബര് പാര്ട്ടിക്കും റിഫോം യുകെയ്ക്കും മൂന്ന് പോയിന്റുകള് വീതം നഷ്ടമായി എന്നാണ് ഫൈന്ഡ് ഔട്ട് നൗ സര്വ്വേയില് കാണുന്നത്. കണ്സര്വേറ്റിവ് പാര്ട്ടിയും ലേബര് പാര്ട്ടിയും 16 ശതമാനത്തിലെത്തി നില്ക്കുകയാണ്. ടോറികള്ക്ക് രണ്ട് പോയിന്റുകള് ഉയര്ത്താനായി. ലിബറല് ഡെമോക്രാറ്റുകളുടെ ജനപിന്തുണയാകട്ടെ ഒക്ടോബറില് മുഴുവനും മാറ്റമില്ലാതെ 12 ശതമാനത്തില് തന്നെ തുടരുകയാണ്. ഗ്രീന്സ് പാര്ട്ടിയുടെ മുന്നേറ്റം മറ്റ് പാര്ട്ടികളെ അത്ഭുതപ്പെടുത്തുകയാണ്.
