അനധികൃത കുടിയേറ്റക്കാരെ പണം നല്‍കി ഒഴിപ്പിക്കും; അഭയാര്‍ത്ഥികള്‍ക്ക് പി ആര്‍ കിട്ടാന്‍ ഇനി 20 വര്‍ഷം; കടുത്ത പ്രഖ്യാപനവുമായി ഹോംസെക്രട്ടറി
റീഫോം യുകെയെ തടയുന്നതിനായി അനധികൃത കുടിയേറ്റക്കാരെ നിയന്ത്രിക്കുന്നതിന് കടുത്ത പ്രഖ്യാപനവുമായി ഹോംസെക്രട്ടറി ഷബാന മഹ്മൂദ്. യുകെയുടെ അനധികൃത ഇമിഗ്രേഷന്‍ കണക്കുകള്‍ കാര്യങ്ങള്‍ പ്രതിസന്ധിയിലെത്തുമെന്ന് ലേബര്‍ ഗവണ്‍മെന്റിന് ബോധ്യമുണ്ട്. പ്രത്യേകിച്ച് റിഫോം യുകെ ഈ വിഷയത്തില്‍ ഊന്നിയാണ് മുന്നേറി വരുന്നത്.
ഇതിന് തടയിടാന്‍ പഴയകാല ഇടതു നയങ്ങള്‍ മറന്ന് നീങ്ങേണ്ടി വരുമെന്ന് തിരിച്ചറിഞ്ഞ ലേബര്‍ ഹോം സെക്രട്ടറി അനധികൃത കുടിയേറ്റക്കാരെ നിയന്ത്രിക്കാനുള്ള സുപ്രധാന നയങ്ങള്‍ പ്രഖ്യാപിച്ചിരിക്കുകയാണ്. ജൂണ്‍ വരെയുള്ള സമയം കൊണ്ട് അനധികൃതമായി പ്രവേശിക്കുന്നവരുടെ എണ്ണത്തില്‍ 27% വര്‍ധനവ് ഉണ്ടായെന്നത് ഞെട്ടിക്കുകയാണെന്ന് ഷബാന മഹ്മൂദ് പറഞ്ഞു.
ഹോം സെക്രട്ടറിയുടെ സുപ്രധാന പ്രഖ്യാപനങ്ങങ്ങള്‍ :
1) അനധികൃത കുടുംബങ്ങളെ കുട്ടികള്‍ ഉള്‍പ്പെടെ നീക്കം ചെയ്യുക. ഇതിനായി 3000 പൗണ്ട് വരെ ധനസഹായം നല്‍കും, തയാറാകാത്തവര്‍ക്കെതിരെ ബലപ്രയോഗം ഉണ്ടാകും
6) നാടുകടത്തുന്നവരെ സ്വീകരിക്കാത്ത രാജ്യങ്ങള്‍ക്ക് വിസാ നിരോധനം
7) പുതിയ നിയമപരവും, സുരക്ഷിതവുമായ അഭയാര്‍ത്ഥി റൂട്ടുകള്‍ സൃഷ്ടിക്കും
തങ്ങളുടെ പദ്ധതികളാണ് ഷബാന മഹ്മൂദ് പ്രഖ്യാപിച്ചിരിക്കുന്നതെന്ന് റിഫോം യുകെ നേതാവ് നിഗല്‍ ഫരാഗ് പറഞ്ഞു. കണ്‍സര്‍വേറ്റീവ് നേതാവ് കെമി ബാഡെനോക് പദ്ധതികളെ സ്വാഗതം ചെയ്തിട്ടുണ്ട് . എന്നാല്‍ ലേബര്‍ പാര്‍ട്ടിയിലെ ഇടത് വിഭാഗം എംപിമാര്‍ അഭയാര്‍ത്ഥികള്‍ക്ക് എതിരായ തങ്ങളുടെ പരമ്പരാഗത നയങ്ങളില്‍ വ്യതിചലിക്കുന്നതിനെ രൂക്ഷമായ ഭാഷയില്‍ വിമര്‍ശിക്കുകയാണ് ലേബര്‍ എംപിമാര്‍. പുതിയ നയങ്ങള്‍ ക്രൂരവും, മനുഷ്യത്വരഹിതവുമാണെന്നാണ് ലേബര്‍ എംപിമാരുടെ വിമര്‍ശനം.
