പത്തനംതിട്ട തിരുവല്ലയില് 14 കാരിക്ക് നേരെ ക്രൂര പീഡനം. തിരുവല്ലയില് താമസിക്കുന്ന ഇതര സംസ്ഥാന തൊഴിലാളിയുടെ 14 വയസുള്ള മകളാണ് പീഡനത്തിനിരയായത്. സംഭവത്തില് രണ്ട് ഇതര സംസ്ഥാന തൊഴിലാളികള് അറസ്റ്റിലായി. ബംഗാള് സ്വദേശികളാണ് പിടിയിലായത്.
കുട്ടിയുടെ അച്ഛനും അമ്മയും ജോലിക്ക് പോയ സമയത്താണ് പ്രതികള് വീടിനുള്ളില് കയറി പീഡനം നടത്തിയത്. സംഭവസമയത്ത് 14കാരിയും സഹോദരി ഒന്നരവയസുകാരിയും മാത്രമായിരുന്നു വീട്ടിലുണ്ടായിരുന്നത്. ഒന്നര വയസുള്ള ഇളയ കുട്ടിയുടെ വായ പൊത്തിപ്പിടിച്ച ശേഷമാണ് 14കാരിയെ പീഡിപ്പിച്ചത്.
കുട്ടികള് അറിയാതെ വീട്ടിനുള്ളില് കയറിയ ഇവര് 14കാരിയെ പിടിച്ച് പുറത്തേക്കിറക്കുകയായിരുന്നു. സംഭവം അറിഞ്ഞെത്തിയ നാട്ടുകാരാണ് പ്രതികളെ പിടികൂടി പൊലീസില് ഏല്പ്പിച്ചത്. പോക്സോ വകുപ്പ് ഉള്പ്പെടെ പ്രതികള്ക്കെതിരെ ചുമത്തിയിട്ടുണ്ട്.
