യുകെയില് അനധികൃത കുടിയേറ്റക്കാര്ക്ക് കൂടുതല് നിയന്ത്രണം വരും. അഭയാര്ത്ഥി ക്യാമ്പില് കഴിയുന്നവര്ക്ക് മെഡിക്കല് യാത്രയ്ക്ക് ടാക്സി നിരോധിക്കും. അഭയാര്ത്ഥി ക്യാമ്പില് കഴിയുന്ന അനധികൃത കുടിയേറ്റക്കാര്ക്ക് മെഡിക്കല് ചികിത്സയ്ക്കായി ടാക്സി ഉപയോഗിക്കുന്നത് ഫെബ്രുവരി മുതല് നിരോധിക്കാന് തീരുമാനിച്ചു.
ബിബിസി നടത്തിയ അന്വേഷണത്തില് ചില അഭയാര്ത്ഥികള് നൂറുകണക്കിന് മൈല് നീളുന്ന ടാക്സി യാത്ര നടത്തിയതായി കണ്ടെത്തി. ഒരു അഭയാര്ത്ഥി 250 മൈല് ടാക്സിയില് യാത്ര ചെയ്തപ്പോള് സര്ക്കാരിന് 600 പൗണ്ട് ചെലവായത് വിവാദമായിരുന്നു.
സര്ക്കാര് നിലവില് ശരാശരി 15.8 മില്യണ് പൗണ്ടാണ് ഗതാഗത ചിലവിനായി ഉപയോഗിക്കുന്നത്. പല നഗരങ്ങളിലും ഹോട്ടലില് നിന്ന് ആശുപത്രിയിലേക്ക് ചെറിയ ദൂരത്തിന് പോലും ടാക്സി വിളിക്കുകയാണ് ഇവര്. ചില കരാര് കമ്പനികള് അനാവശ്യമായി ദൂരം കൂട്ടിയാണ് യാത്ര നടത്തുന്നത്.
അഭയാര്ത്ഥികള് താമസസ്ഥലം മാറ്റുന്നതോടെയാണ് ജിപിയെ കാണാന് ദീര്ഘയാത്രകള് ആവശ്യമായി വരുന്നത്. സൗജന്യ ബസ് പാസ് നല്കി ചെലവേറിയ ടാക്സി യാത്രകള് ഒഴിവാക്കാനാണ് അഭയാര്ത്ഥി സംഘടനകള് ആവശ്യപ്പെടുന്നത്.
