ലണ്ടന്: നോര്ത്താംപ്ടണില് നിര്യാതനായ ഡോ. ഷാജിയ്ക്ക് ആദരാഞ്ജലികളുമായി പ്രിയപ്പെട്ടവരും സുഹൃത്തുക്കളും. ഈമാസം 19ന് തിങ്കളാഴ്ചയാണ് പൊതുദര്ശനവും സംസ്കാരവും നിശ്ചയിച്ചിരിക്കുന്നത്. രാവിലെ 11 മണിയോടെ നോര്ത്താംപ്ടണ് റോമന് കാത്തോലിക്ക കത്തീഡ്രല് പള്ളിയില് വൈദികരുടെ നേതൃത്വത്തില് ചടങ്ങുകള് ആരംഭിക്കും. ദിവ്യബലിക്കു ശേഷം ഷാജി ഡോക്ടറിന് അന്തിമോപചാരം അര്പ്പിക്കുവാനുള്ള അവസരം ഉണ്ടായിരിക്കും. തുടര്ന്ന് ശവ സംസ്കാരം കിങ്സ്തോര്പ്പ് സെമിത്തരിയില് ഉച്ചയ്ക്ക് മണിയോടുകൂടി നടത്തുന്നതായിരിക്കും.
ദേവാലയത്തിന്റെ വിലാസം
The Catholic Cathedral of Our Lady Immaculate & St Thomas of Canterbury, Kingsthorpe Rd, Primrose Hill, Northampton NN2 6AG
ജനുവരി ഒന്നാംതീയതി ആയിരുന്നു ഷാജി ഡോക്ടറുടെ വിടവാങ്ങല് സംഭവിച്ചത്. നോര്ത്താംപ്ടണ് ആശുപത്രിയില് അഡ്മിറ്റായിരുന്ന ഷാജി പെട്ടെന്ന് അസുഖം മൂര്ച്ഛിച്ചു മരണപ്പെടുകയായിരുന്നു. അതേ ഹോസ്പിറ്റലില് സ്റ്റാഫ് നഴ്സ് ആയിരുന്നു ഭാര്യ. മരണ സമയത്ത് ഭാര്യയും മക്കളും എല്ലാം അരികിലുണ്ടായിരുന്നു. കുടുംബത്തിന് ആശ്വാസമായി വൈദികരായ സെബാസ്റ്റ്യന്, ബെന്നിയച്ചന്, സമൂഹത്തിലെ നാനാതുറയിലുള്ള കുടുംബങ്ങള്, ബന്ധു മിത്രാദികള്, സുഹൃത്തുക്കള്, സഹപ്രവര്ത്തകര് തുടങ്ങിയവര് എത്തിച്ചേര്ന്നു.
കോട്ടയം കൂത്രപ്പള്ളി പടിഞ്ഞാറേ വീട്ടില് കുടുംബാംഗമായ ഷാജി ഹോമിയോ ഡോക്ടര് ആയിരുന്നു. ഇലഞ്ഞി ഊര്വ്വച്ചാലില് കുടുംബാംഗമായ ഭാര്യ മിനി സീനിയര് നോനാറ്റല് സ്റ്റാഫ് നഴ്സ് ആണ്. മക്കള് ഷെല്വിന്, ഷോല്സിന്, മരുമകള് ഹെലന ഷെല്വിന്.
