യുകെയിലെ വീടുകളില്‍ ഊര്‍ജ ബില്ലുകള്‍ കുറയ്ക്കാന്‍ സോളാര്‍ പാനലുകളും മറ്റ് ഹരിത സാങ്കേതിക വിദ്യകളും സ്ഥാപിക്കുന്നതിന് സര്‍ക്കാര്‍ 15000 കോടി പൗണ്ട് ധന സഹായം പ്രഖ്യാപിച്ചു. അടുത്ത അഞ്ചു വര്‍ഷത്തിനുള്ളില്‍ രാജ്യത്താകെ വീടുകള്‍ക്ക് ഈ പദ്ധതിയുടെ ഗുണം ലഭിക്കും. ആയിരക്കണക്കിന് പൗണ്ടുകളുടെ സഹായം ഓരോ വീടുകള്‍ക്കും ലഭിക്കുമെന്നാണ് സര്‍ക്കാര്‍ അറിയിച്ചത്.
വോം ഹോംസ് പ്ലാനെന്ന പദ്ധതിയിലുള്ള വീടുകള്‍ക്ക് സോളാര്‍ പാനലുകള്‍, ഊര്‍ജ്ജക്ഷമ ഉപകരണങ്ങള്‍ എന്നിവ സ്ഥാപിക്കാന്‍ സാമ്പത്തിക സഹായം നല്‍കും. ഇന്ധന ചെലവ് ഉയരവേ സാധാരണ കുടുംബങ്ങള്‍ക്ക് ആശ്വാസമാകും നടപടി. വീടുകളില്‍ പാനലുകള്‍ സ്ഥാപിക്കുന്നവരുടെ എണ്ണം മൂന്നിരട്ടിയാക്കുകയാണ് സര്‍ക്കാര്‍ ലക്ഷ്യം. പത്തുലക്ഷം പേരെ ഇന്ധന പ്രതിസന്ധിയില്‍ നിന്ന് രക്ഷിക്കുകയും പരിസ്ഥിതി സംരക്ഷിതമായ മാറ്റങ്ങള്‍ ഉറപ്പുവരുത്തുകയുമാണ് സര്‍ക്കാര്‍ ലക്ഷ്യം.
